ءال-فارابي اتىنداعى قازاق ۇلتتىق ۋنيۆەرسيتەتى –  ەلىمىزدىڭ عانا ەمەس ورتا ازيا مەن تۇركى ەلدەرىنىڭ ءبىلىم-عىلىم كەڭىستىگىندە فلاگمانى بولىپ وتىرعان قارا شاڭىراق. وتاندىق وزات ءبىلىم ورداسىندا وقۋ تەك قازاقستاندىق جاستار عانا ارمان ەتپەيدى، تاعدىردىڭ تالكەگىمەن تورتكۇل دۇنيەنىڭ تۇكپىر-تۇكپىرىنە تارىداي شاشىلعان شەتەلدىك قازاقتىڭ جاستارى دا اتامەكەندە انا تىلىمىزدە  ءبىلىم الساق دەپ ارماندايدى. قازاقستان رەسپۋبليكاسىنىڭ جوو-لارىنا ءتۇسۋ ءۇشىن،  ارينە، قازاقستاندىق جاستار سەكىلدى ولار دا ۇلتتىق ءبىرىڭعاي تەست سىناعىن تاپسىرۋى قاجەت. بارلىق مەملەكەت بىردەي ستاندارتپەن ءبىلىم بەرمەيتىنى ايان. سول سەبەپتى شەتەلدىك قازاق جاستارى ءبىلىم جولىن قازاقستاندىق جالپى ورتا ءبىلىم بەرەتىن مەملەكەتتىك ستاندتارت ساي وقىتاتىن ءبىزدىڭ جوو-عا دەيىنگى ءبىلىم بەرۋ فاكۋلتەتىنىڭ جوو-عا دەيىنگى دايىندىق كافەدراسىنان باستايدى. كافەدرا ساپالى ءبىلىم بەرۋ جۇمىسى سانالى تاربيە بەرۋ ىسىمەن ۇشتاستىرىلا جۇرگىزىلەدى. وسى ماقساتتا كافەدرادا ۇيىرمەلەر مەن كلۋبتار جۇمىس ىستەيدى.         

«جاس تالاپ»، «جاۋقازىن» ۇيىرمەلەرى بيىلعى 2022-2023 وقۋ جىلىنداعى كەزەڭدىك ءوز جۇمىسىن فاكۋلتەت تىڭداۋشىلارىنا – ەلىمىزدىڭ ءبىلىم بەرۋ جۇيەسى الەمدىك ءبىلىم بەرۋ نارىعىندا باسەكەلەستىككە قابىلەتتى ەكەندىگىن كورسەتۋ جانە ۋنيۆەرسيتەتىمىزدىڭ وتاندىق ءبىلىم بەرۋ سالاسىندا جوعارى وقۋ ورىندارىنىڭ كوشباسشىسى ەكەنىن ناسيحاتتاۋمەن قاتار تاۋەلسىز قازاقستان رەسپۋبليكاسىنىڭ ينتەللەكتۋالدى الەۋەتىنىڭ جوعارىلىعىن، ەكونوميكاسىنىڭ قارقىندى دامىپ كەلە جاتقان وركەنيەتتى، زايىرلى مەملەكەت ەكەندىگى تۋرالى شەتەلدىك ازاماتتارعا جاعىمدى كوزقاراسىن قالىپتاستىرۋ جانە اتامەكەنىن وتانىمدى دەپ تانىپ، ەلىمىزدىڭ يگىلىگى ءۇشىن قىزمەت ەتۋگە شاقىرۋ، شەتەلدىك قازاق جاستارىنا ازاماتتىق-الەۋمەتتىك پاتريوتتىق تاربيە بەرۋ ماقساتىندا  قازان ايىندا «اتامەكەن – التىن بەسىك» (تولىعىراق اقپاراتتى https://www.kaznu.kz  سايتىنان الاسىزدار)  اتتى مادەني شارانى ۇيىمداستىرۋمەن باستادى.  ەلىمىزدىڭ جارقىن بولاشاعى  – ءبىلىمدى دە بىلىكتى، الەمدىڭ ءبىلىم-عىلىم كەڭىستىگىندە، ەڭبەك نارىعىندا باسەكەگە قابىلەتتى   جاستار. ۇستازداردىڭ  قاسيەتتى پارىزى – جاستارعا تەرەڭ دە ساپالى ءبىلىم، سانالى تاربيە بەرۋ. بۇگىنگى ءبىلىمدى جاس – ەرتەڭگى بىلىكتى مامان، سوندىقتان دا فاكۋلتەتتەگى ءبىلىم الۋشى جاستارعا تەرەڭ بىلىممەن بەرۋ قاتار سانالى تاربيە بەرۋدى باستى پارىزى سانايتىن جوو-عا دەيىنگى دايىندىق كافەدراسىنىڭ  ۇستازدار ۇجىمى قازاق ءتىلى ءپانىنىڭ اعا وقىتۋشىسى ر.ت.نارالييەۆانىڭ باستاماسىمەن كافەدرا جانىنان «جاس تالاپ» ۇيىرمەسىن اشتى. ۇيىرمە ەلىمىزدىڭ ءبىلىم جانە عىلىم مينيسترىلىگى مەن ۋنيۆەرسيتەتتىڭ ەرەجەلەرىنە ءبىلىم بەرۋ ستاندارتىن باسشىلىققا الا وتىرىپ، ءوز جۇمىسىن ۇيىمداستىرادى.

ەلىمىزدىڭ تولەرانتتى كەلبەتىن، بەيبىتشىلدىكتى سۇيگىش سيپاتىن ناسيحاتتاي وتىرا، ءبىلىم الۋشى ءاربىر جاسقا ءوز قابىلەتىنە قاراي جەكە تۇلعا بولىپ قالىپتاسۋىنا كومەكتەسەتىن كاسىبي باعدار بەرەتىن بەيىندىك ساباقتاردى وتكىزەدى. ۇيىرمە مەن كلۋبتىڭ اشىلۋ سالتاناتىن كاسىبي باعدار بەرۋگە ارنالعان «ماماندىقتىڭ ءبارى جاقسى» اتتى بەيىندىك ساباقتى ۇيىمداستىرۋمەن باستايدى. سەبەبى ەلىمىزگە ءبىلىم الۋعا كەلگەن شەتەلدىك ازاماتتار ەڭ اۋەلى دايىندىق فاكۋلتەتىندە تىلدىك دايىندىقپەن قوسا تاڭداعان ماماندىعىنا وراي نەگىزگى پاندەردەن ساباق وقيدى. ماماندىعى تۋرالى ناقتى اقپارات الۋ وسى جۇمىستىڭ قىرى مەن سىرىن جانە وسى كاسىپتىڭ باسىمدىعىن، پريوريتەتىن تۇسىنۋگە سەبەپشى بولىپ، جاستارعا ماماندىعىن دۇرىس تاڭداۋعا كومەكتەسەدى دەپ ويلايمىز. سونىمەن قاتار ءبىزدىڭ ۇيىرمە جاستاردى شىعارماشىلىق قابىلەتىن دامىتۋدى، ولاردى كرەاتيۆتى ويلاۋعا، عىلىمي ىزدەنىسكە جەتەلەۋدى، ءوز بەتىنشە جۇمىس ىستەۋگە باۋلۋدى ماقسات ەتەدى.

وسى ماقساتتا قىزىقتى ساباقتار، ترەنينگ-سەمينارلار، ۆيكتورينالار ءبىلىم سايىستارىن – برەين-رينگتەر، شىعارماشىلىق بايقاۋلار وتكىزۋدى ۇيىمداستىرادى. ۇيىرمەمىزدىڭ ۇرانى: «وقى، ىزدەن، ەڭبەكتەن، جاس ۇرپاق! ».

ۇستانىمى: «ارامىزدا ارتتا قالۋشىلار بولماسىن»،– دەگەن مۇراتپەن كافەدرادا ءبىلىم الۋشىلار اراسىنداعى ۇلگەرىم تومەندىگى سەكىلدى سايكەسسىزدەردى تۇزەتۋگە ارنالعان قوسىمشا فاكۋلتاتيۆتىك جۇمىستار دا جۇرگىزىلەدى. ارينە، جالاڭ ءبىلىم ساپالى  دا، تاربيەسىز جەمىستى دە بولمايتىندىعى بارىمىزگە دە ءمالىم، سوندىقتان ۇيىرمە ءوز جۇمىسىن ءبىلىم سالاسى مەن تاربيە ساپاسىن ۇشتاستىرا جۇرگىزۋدى نەگىزگە الادى. وسى ماقساتتا «كىتاپ – التىن قازىنا»، «تاربيە باسى – ءتىل»، «ساياتكەرلىك – ۇلتتىق رۋحتىڭ نەگىزى»، «تابيعات-اناڭدى ايالا»، مادەني-تانىمدىق ساياحاتتار، كاسىبي باعدار بەرەتىن بەيىندىك ساباقتاردى ۇيىمداستىرادى. شىعارماشىلىق قابىلەتىن ارتتىرىپ، شىڭداۋ ماقساتىندا «قازاقستان شەتەلدىكتەردىڭ كوزىمەن»، «اتامەكەنىم – ايبىنىم مەنىڭ»، «ماقال-ماتەل – ءسوز مايەگى» اتتى شىعارماشىلىق بايقاۋلار وتكىزەدى. ۋنيۆەرسيتەت پەن فاكۋلتەتتەگى ءىس-شارالاردان تىس  رەسپۋبليكالىق، قالالىق، ءتىپتى حالىقارالىق بايقاۋلارعا ءبىلىم سايىستارىنا، پاندىك وليمپيادالارعا قاتىسىپ، جۇلدەلى ورىداردى يەلەنىپ جاتادى. ستۋدەنتتىك عىلىمي كونفەرەنسيالارعا قاتىسامىن دەگەن تالاپكەرلەرگە عىلىمي جەتەكشىلىك جۇمىسىن اتقارادى.

ءال-فارابي اتىنداعى قازاق ءۇلتتىق ۋنيۆەرسيتەتى
جوو-عا دەيىنگى دايىندىق كافەدراسىنىڭ اعا وقىتۋشىلارى
بەگالييەۆا ا.ك.
نارالييەۆا ر.ت.