ءبىر جىلدا قولدانىستاعى پاتەر باعاسى 27،1 پايىزعا، جاڭا پاتەر باعاسى 16،6 پايىزعا قىمباتتاعان. اباتتاندىرىلعان تۇرعىن ءۇيدى جالعا الۋ تولەمى وتكەن جىلعى قازانمەن سالىستىرعاندا 54،2%-عا وسكەن. مۇنداي دەرەكتەردى ستاتيستيكا بيۋروسى حابارلادى.

وڭىرلەر بويىنشا كەلەر بولساق، جاڭا سالىنعان ۇيلەر اقتوبە قالاسىندا 30،3%-عا، وسكەمەندە 26،3%-عا، قوستانايدا 25،4%-عا قىمباتتادى.

قولدانىستاعى پاتەرلەر نارىعىندا باعا ءوسىمى تالدىقورعان (44،6%)، سەمەي (44%)، اقتاۋ (43،3%)، اقتوبە (42،4%) قالالارىندا قاتتى بايقالدى.

ال تۇرعىن ءۇيدى جالعا الۋ نارىعىندا بىلتىرعى قازانعا قاراعاندا باعا الماتى  (89،7%)، قاراعاندى (64،2%)، قوستاناي (58،5%) قالالارىندا ايتارلىقتار كوتەرىلگەن.

قازان ايىنداعى كورسەتكىشكە ساي، جاڭا پاتەرلەردىڭ ورتاشا شارشى مەترى 430 مىڭ 669 تەڭگەدەن ساتىلسا، قولدانىستاعى پاتەرلەرشارشى مەترى 484 مىڭ 918 تەڭگەدەن ساۋدالانعان. اباتتاندىرىلعان پاتەردىڭ جالداۋ ءبىر شارشى مەتر ءۇشىن 4870 تەڭگەگە تەڭ.