الماتى قالاسىنداعى تولە بي كوشەسى مەن ابىلاي حان داڭعىلىنىڭ قيىلىسىندا ەكى اۆتوبۋس سوقتىعىسىپ، 1 ادام قازا تاپتى، دەپ حابارلادى پوليسيا دەپارتامەنتى.
"الماتى قالالىق پوليسيا دەپارتامەنتى 98 جانە 201-باعىتتاعى ەكى قوعامدىق كولىكتىڭ سوقتىعىسۋى سالدارىنان ءبىر ادام قازا تاۋىپ، الدىن الا مالىمەت بويىنشا 17 ادام زارداپ شەككەنىن حابارلايدى"، - دەلىنگەن حابارلاداما.
ءبىر ادام جەدەل جاردەم جەتكەنگە دەيىن وقيعا ورنىندا قازا تاپقان. اتالعان دەرەك ق ر قك-نىڭ 345-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەن. ساراپتامالار تاعايىندالىپ جاتىر.
پىكىر قالدىرۋ