ۇقك ەكس-توراعاسى كارىم ءماسىموۆ القابيلەر سوتىنا جۇگىنە المايدى. بۇل تۋرالى جوعارعى سوت قىلمىستىق ىستەر جونىندەگى سوت القاسىنىڭ ءتوراعاسى ءابدىراشيت جۇكەنوۆ مالىمدەدى.
ونىڭ ايتۋىنشا، بۇل ءىستىڭ جاي-جاپسارى پارلامەنت شەشىم شىعارعان جاعدايدا عانا قۇپيادان شىعارىلادى.
– بۇل زاڭمەن رەتتەلۋى كەرەك. زاڭ بويىنشا جۇمىس ىستەيمىز، زاڭ وزگەرسە، نەگىز بولادى. كەز كەلگەن مەملەكەتتە ۇلتتىق قاۋىپسىزدىكتى قورعاۋ بار جانە مەملەكەت كەيبىر اقپاراتتى قۇپيالاۋعا قۇقىلى. ەندى بۇل ىستەر قۇپيا جانە قۇپيا بولىپ قالا بەرمەك. ءسىز ءبىراز اقپارات الاسىز دەپ ويلايمىن. ويتكەنى مەملەكەت قولجەتىمدىلىكتى قامتاماسىز ەتۋى كەرەك، – دەدى قىلمىستىق ىستەر جونىندەگى سوت القاسىنىڭ ءتوراعاسى جۇكەنوۆ.
بۇعان دەيىن باس پروكۋراتۋرا ۇلتتىق قاۋىپسىزدىك كوميتەتىنىڭ بۇرىنعى باسشىسىنا قاتىستى قىلمىستىق ءىستى زەرتتەۋ ناتيجەسى بويىنشا تەكسەرۋ ورگانىنىڭ ايىپتاۋ اكتىسىن بەكىتكەن بولاتىن. قىلمىستىق ءىس استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا قاراۋعا جىبەرىلگەن.
پىكىر قالدىرۋ