سقو ايىرتاۋ اۋدانى نوۆوۋكراينكا اۋىلىندا ورنالاسقان №51 رمم توتەنشە ءقاۋىپسىز مەكەمەسىندە ەكى سوتتالۋشى توبەلەسىپ، بىرەۋى جانساقتاۋ بولىمىندە قازا تاپتى.
"1994 جانە 1976 جىلى تۋعان سوتتالعاندار اراسىندا جانجال ورىن الدى، ونىڭ بارىسىندا سوتتالعانداردىڭ ءبىرى ەكىنشىسىنىڭ باسىنا سوققى جاساعان. 1976 جىلى تۋعان جابىرلەنۋشى ايىرتاۋ اۋدانىنىڭ ورتالىق اۋداندىق اۋرۋحاناسىنىڭ جانساقتاۋ بولىمىنە جاتقىزىلىپ، ەسىن جيماستان قايتىس بولدى" دەلىنگەن ىشكى ىستەر مينيسترلىگىنىڭ رەسمي ينتەرنەت رەسۋرسىندا.
اتانعان دەرەك بويىنشا قىلمىستىق كودەكستىڭ 99-بابى 1-بولىگى بويىنشا (كىسى ءولتىرۋ) قىلمىستىق ءىس قوزعالىپ، ۇستالعان ادام ايىرتاۋ اۋداندىق پوليسيا ءبولىمىنىڭ ۋاقىتشا ۇستاۋ يزولياتورىنا قامالعان.
پىكىر قالدىرۋ