جەڭىلدەتىلگەن اۆتونەسيە باعدارلاماسى ارقىلى كولىك ساتىپ الۋ قاراشا ايىندا قايتا جالعاسىن تابادى. نەسيە تولەمىنەن قايتقان اقشا ەسەبىنەن 2023 جىلى 2 مىڭ كولىك ساتۋ جوسپارلانىپ وتىر.
"ءقازىر ءبىزدىڭ ازاماتتارىمىز جاڭا كولىكتىڭ نەسيەسىن تولەپ جاتىر. بۇل اقشا كەيىن جاڭا نەسيە بەرۋگە جۇمسالادى. وسىلايشا قارجىنى اينالىمعا ءتۇسىرىپ، كەلەر جىلى 2 مىڭ كولىك ساتۋ جوسپاردا بار"، – دەدى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ.
دەگەنمەن، قازاقستاندىقتارىڭ سۇرانىسى بۇدان الدەقايدا جوعارى. سوعان بايلانىستى، زاڭگەرلەر كولىك نارىعىنداعى باعانى مەملەكەت رەتتەۋى كەرەك ەكەنىن ايتادى. ولار بۇل رەتتە ون جىلدان اسقان ماشينانى قىمباتقا ساتۋعا رۇقسات بەرمەيتىن اقش تاجىريبەسىن العا تارتادى.
"وزبەكستان وزدەرىنىڭ زاۋىتتارىن قۇردى. باسىندا تەك جيناي باستادى، سودان كەيىن تولىق ءوندىرىستى قامتاماسىز ەتتى. بۇكىل ەلدى وزبەكستاندىق كولىكتەرگە وتىرعىزدى. سوماسى ۇلكەن مەملەكەتتىك باج قويۋ ارقىلى وزگە ەلدەن ەسكى ماشينالاردى كوپ كىرگىزگەن جوق. بىرەن-ساران تويوتا، بىرەن-ساران مەرسەدەس كولىكتەرىن كورىپ قالامىز. وزبەكستان ءوزىنىڭ دىتتەگەن ماقساتىنا وسىلاي جەتتى، ال ءبىز ىلەسە الماي قالدىق"، – دەيدى زاڭگەر باۋىرجان احمەتجان.
قازاقستاندىق اۆتوبيزنەس قاۋىمداستىعىنىڭ دەرەگىنشە، بيىل رەسپۋبليكادا 71 مىڭداي جەڭىل اۆتوكولىك قۇراستىرىلعانىمەن، باعا 19% قىمباتتاعان. بۇعان الەم ەكونوميكاسىنىڭ السىرەۋى مەن كۇردەلى گەوساياسي جاعداي سەبەپ بولعان.
دەرەككوز: Astana.tv ارناسى
پىكىر قالدىرۋ