قازاقستاندا ماجىلىستەگى ءۇش پارتيانى قارجىلاندىرۋعا رەسپۋبليكالىق بيۋدجەتتەن جىل سايىن 8 ملرد تەڭگە قاراجات بولىنەدى. بۇل جونىندە قارجى ءمينيسترى – پرەمەر-مينيستردىڭ ورىنباسارى ەرۇلان جاماۋبايەۆ مالىمدەدى.
مينيستر "امانات" پارتياسىنا 1 ملرد دوللار بولىنەدى دەگەن اقپاراتتى جوققا شىعاردى.
"بۇل شىندىققا جاناسپايدى. بىزدە پارتيالاردىڭ، ماجىلىستە وتىرعان بارلىق پارتيانىڭ قارجىلاندىرۋى تۋرالى تولىق اقپارات بار. زاڭ جۇزىندە قابىلدانعان بەلگىلى ءبىر ەسەپتەۋلەر بار، سولاردىڭ نەگىزىندە قاراجات بولىنەدى. جالپى سوما ءۇش تاراپ ءۇشىن دە 8 ميلليارد شاماسىندا قارجى بولىنگەن. بۇل ءبىر جىلعا ارنالعان، رەسپۋبليكالىق بيۋدجەتتە بار"، - دەدى جاماۋبايەۆ.
پىكىر قالدىرۋ