الماتى قالاسى ءدىن ىستەر جونىندەگى باسقارماسىنىڭ قولداۋىمەن جانە «ادام جانە قوعام» قوعامدىق ۇيىمىنىڭ ۇيىمداستىرۋىمەن دەسترۋكتيۆتى ءدىني اعىمدار يدەولوگياسىنىڭ بەدەلىن ءتۇسىرۋ جانە ءداستۇرلى قۇندىلىقتاردى ناسيحاتتاۋ ماقساتىندا قالا مەشىتتەرىندە ءدىن سالاسىنداعى مامانداردىڭ قاتىسۋىمەن ءدىندار ايەلدەرمەن كەشەندى شارالار وتكىزىلۋدە.

9 قىركۇيەك كۇنى الماتى قالاسىنىڭ اباي قۇنانباي ۇلى مەشىتىندە 20-عا جۋىق ءدىندار ايەلدەردىڭ قاتىسۋىمەن «ءداستۇرلى قۇندىلىقتاردى ۇلىقتاۋ-دۇنيەتانىمعا جات بولعان اعىمداردان ساقتانۋ» تاقىرىبىندا ءدارىس وتكىزىلدى.

ءدارىس بارسىنىدا ءداستۇرلى قۇندىلىقتىڭ ءمان ماعىناسىن اشىپ، ەرەكشەلىگىن اتاپ ءوتتى. الەمدەگى كەز كەلگەن دامىعان ەلدى الىپ قاراساڭىز، ونى دامىتقان دا، كوپتەگەن سالالاردان وزىق ەتكەن دە سول ەلدىڭ قۇندىلىعى ەكەنىن ۇمىتپاۋىمىز قاجەت. ويتكەنى قۇندىلىقتاردىڭ باستى فۋنكسياسى ەلدىڭ تۇراقتىلىعىن ساقتاۋ، رۋحاني جاعىنان قاۋىپسىزدىكتى قامتاماسىز ەتەتىن، جات بولعان دۇنيەتانىمنان الىستاتىن باستى قۇرال.

ءار ەلدىڭ ءداستۇرلى قۇندىلىعى ولاردىڭ شىققان تەگىنە، ۇستانعان دىنىنە، ولاردىڭ جىنىسىنا قاراماي، بۇكىل ادام بالاسىنا ورتاق دۇنيە بولىپ تابىلادى.

شارا بارىسىندا، قاتىسۋشىلار وزدەرىنىڭ كوكەيىندە جۇرگەن وزەكتى سۇراقتارىن قويىپ، ناقتى جاۋاپتارىن الىپ وتىردى.

ءدارىستى، فيلوسوفيا ع.ك.، ءال-فارابي اتىنداعى قازۇۋ، ءدىنتانۋ جانە مادەنيەتتانۋ كافەدراسىنىڭ  اعا وقىتۋشىسى قانتاربايەۆا جاننا ورىنباساروۆنا وقىدى.

قۇندىلىقتار ادامزاتتىڭ دامۋ تاريحى مەن ءومىر سالت زاڭدىلىقتارىن ايقىندايدى. قۇندىلىعى بولماعان قوعام ەرتەڭگى كۇنى كۇيرەۋگە ۇشىرايتىن قوعام بولادى. قۇندىلىق سىرتقا كۇشتىڭ اسەرىمەن ەمەس، ءوز ارالارىندا جارىپ شىعاتىن دۇنيە بولىپ ەسەپتەلەدى.