الماتى قالاسىندا اقىن، سازگەر، قازاقستان جۋرناليستەر وداعىنىڭ مۇشەسى ەرلان تولەۋبايدىڭ "ۇلى دالا ۇرانى" اتتى شىعارماشىلىق كەشى ءوتتى. 

كەش اياسىندا ەرلان تولەۋبايدىڭ اندەرى ورىندالىپ، 30 پاتريوتتىق تۋىندىدان تۇراتىن ءۇنتاسپاسى مەن "ساعان كەلدىم اتا جۇرت" اتتى انىنە تۇسىرىلگەن بەينەباياننىڭ تۇساۋى كەسىلدى.

ءۇنتاسپانىڭ تۇساۋىن قوعام قايراتكەرلەرى مەن زيالى قاۋىم وكىلدەرى كەسىپ، سازگەرگە شىعارماشىلىق تابىستار، بيىك بەلەستەردەن كورىنۋىن تىلەدى.

بەلگىلى اقىن، قوعام قايراتكەرى مۇحتار شاحانوۆ سازگەرگە "جۇلدىزىڭ ۇلتتىق، حالىقتىق مۇددە بيىگىندە جارقىراي بەرسىن" دەپ اق باتاسىن بەردى.

پۋبليسيست-جۋرناليست، قوعامدىق اتاقتار مەن ماراپاتتار جونىندەگى رەسپۋبليكالىق كەڭەس ءتوراعاسى مارات توقاشبايەۆ ەرلان تولەۋبايدى قازاق ونەرىنە سىڭىرگەن ەڭبەگى، پاتريوتتىق باعىتتاعى رۋحتى اندەردىڭ كەڭ تارالۋىنا قوسقان ۇلەسى ءۇشىن "قازاق ونەرىنىڭ قايراتكەرى" قۇرمەتتى اتاعىمەن ماراپاتتادى.

قازاقتىڭ "قارا جورعا" ءبيىن قازاقستاندا جاڭعىرتقان ارىستان قاجى شادەت ۇلى، تانىمال اكتەر بەكجان تۇرىس، بەلگىلى اقىندار الماس احمەتبەك ۇلى، قايرات قۇلمۇحاممەد، ءداستۇرلى ءانشى ەرلان تولەۋباي، ساتيريك جارىلقاسىن داۋلەت كەش يەسىنىڭ شىعارماشىلىعى تۋرالى تولعاپ، ءبىرى ولەڭنەن شاشۋ شاشسا، ءبىرى اقجارما تىلەگىن ارنادى.

كەش بارىسىندا ساندۋعاش ستامعازييەۆا، ۇشقىن جامالبەك، يبراگيم ەسكەندىر، ماعجان ەرعالين، ازىمبەك بايلين سەكىلدى ونەر مايتالماندارى كوپشىلىكتى اسەم انمەن اۋەلەتتى.