26 قاراشادا استانادا وتكەن زاڭسىز ميتينگىگە 300-گە جۋىق ادام جينالعان. اراسىندا باسقا وڭىرلەردىڭ تۇرعىندارى دا بار. بۇل تۋرالى ىشكى ىستەر ءمينيسترىنىڭ ورىنباسارى يگور لەپەحا مالىمدەدى.
ونىڭ ايتۋىنشا، 18 ادام ۇستالىپ، اكىمشىلىك جازاعا تارتىلعان. ۆيسە-مينيستر قانشا ادامنىڭ بوساتىلعانىن ناقتىلامادى.
"كوشەگە 300-گە جۋىق ادام شىقتى. ءبىر جارىم ساعاتتان كەيىن اقورداعا قاراي بارۋ تۋرالى ۇندەۋ ايتىلدى. شەرۋدە ميتينگىنىڭ بارلىق دەرلىك بەلگىسى بولدى. ءبىز ولاردىڭ قانداي تالاپ قوياتىنىن كۇتكەن جوقپىز. ويتكەنى زاڭسىز شەرۋ اكىمشىلىك قۇقىقبۇزۋشىلىققا جاتادى. سول سەبەپتى ولاردى توقتاتۋعا ءماجبۇر بولدىق" دەدى لەپەحا ءماجىلىس كۋلۋارىندا.
26 قاراشا كەشكىسىن استانادا "بولاشاقتىڭ ارحيتەكتورلارى" جوباسىن قۇرعان بيزنەسمەن مارات ابييەۆ پەن ونىڭ جاقتاستارى ۇستالعان. 27 قاراشادا ابييەۆ "پوليسيا تالابىنا باعىنباعانى"، "بەيبىت جيىن وتكىزۋ ءتارتىبىن بۇزعانى" ءۇشىن 15 تاۋلىككە قامالعان.
پىكىر قالدىرۋ