زەينەتاقى جيناقتارىنىڭ 2023 جىلعا بەلگىلەنگەن ەڭ تومەنگى جەتكىلىكتىلىك شەگى جاريالاندى. جەتكىلىكتى شەكتىڭ كولەمى جاس مولشەرىنە بايلانىستى 3-تەن 10 ميلليون تەڭگە اراسىندا بولادى.
"2023 جىلعا ەڭ تومەنگى جالاقى 70 مىڭ تەڭگەنى، ەڭ تومەنگى زەينەتاقى 53 076 تەڭگەنى، مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى 24 341 تەڭگەنى، ەڭ تومەنگى كۇنكورىس دەڭگەيى 40 567 تەڭگەنى قۇرايدى دەپ كوزدەلگەن. شەكتى ماندەردى ەسەپتەۋ كەزىندە ەسكەرىلەتىن باسقا دا الەۋمەتتىك ماڭىزدى كورسەتكىشتەردىڭ دە مولشەرى كوتەرىلدى" دەپ حابارلادى بجزق وكىلدەرى.
جاس مولشەرىنە بايلانىستى ەڭ تومەنگى جەتكىلىكتى شەك تۋرالى تولىق اقپارات تومەندەگى كەستەدە ۇسىنىلعان.
بەكىتىلگەن ادىستەمەگە سايكەس، ەڭ تومەنگى جەتكىلىكتى شەك شامالارى ءار جاس مولشەرى ءۇشىن جەكە انىقتالىپ، بولاشاق زەينەتاقى تولەمدەرى مەن زەينەتاقى جارنالارىنىڭ ءوسۋى (يندەكستەلۋىن) ەسكەرىلگەن.
پىكىر قالدىرۋ