2022 جىلدىڭ 16 قاراشاسىندا الماتىداعى نەمىس ۇيىندە «يز يستوريي دەپورتاسيي نەمسيەۆ ۆ كازاحستان 1941-1945 گگ.» اتتى كىتابىنىڭ تۇساۋكەسەرى ءوتتى. تۇساۋكەسەردى قۇجاتتار جيناعىنىڭ اۆتورى، ف.ع.د.، نەمىس تاريحشىسى، قازىرگى ۋاقىتتا گەرمانيادا تۇراتىن جەرلەسىمىز الفرەد ەيسفەلد وتكىزدى، دەپ جازادى assembly.kz. 

ءىس-شاراعا قازاقستان حالقى اسسامبلەياسىنىڭ، ق ر اقدم «قوعامدىق كەلىسىم» رمم، «Deutsche Allgemeine Zeitung» رەسپۋبليكالىق نەمىس گازەتىنىڭ وكىلدەرى، قحا بەلسەندىلەرى مەن ستۋدەنتتەرى، نەمىس ءتىلى كۋرستارى، نەمىس جاستارىنىڭ كلۋبى جانە «ۆوزروجدەنيە» نەمىستەردىڭ الماتى مادەني-ەتنيكالىق قوعامى مەن ب ا ق تىلشىلەرى قاتىستى.

جيناق اۆتورى الفرەد ەيسفەلد شاراعا قاتىسۋشىلارعا «يز يستوريي دەپورتاسيي نەمسيەۆ ۆ كازاحستان 1941-1945 گگ.» كىتابىن جازۋ بارىسىندا زەرتتەۋ ۇجىمىنىڭ اتقارعان جۇمىستارى تۋرالى ايتىپ بەردى جانە جيناقتالعان ماتەريالدار مەن قۇجاتتاردىڭ العاشقى رەت جاريالانعانىن اتاپ ءوتتى. جيىن قوناقتارى نەمىستەردى دەپورتاسيالاۋ، مۇراعات ماتەريالدارىمەن جۇمىس جانە وزگە دە ماسەلەلەر بويىنشا اۆتورعا ءوز سۇراقتارىن قويىپ، تۇششششىمدى جاۋاپتار الدى.

ءىس-شارا سوڭىندا بارلىق قاتىسۋشىلارعا «يز يستوريي دەپورتاسيي نەمسيەۆ ۆ كازاحستان 1941-1945 گگ.» كىتابىنىڭ الفرەد ەيسفەلدتىڭ قولى قويىلعان كوشىرمەلەرى تابىستالدى.