10 قاراشادا الماتى قالاسى ورتالىقتاندىرىلعان كىتاپحانا جۇيەسىنە قاراستى قازاقستان جازۋشىلار كىتاپحاناسىندا «ادەبيەت مادەني فەنومەن رەتىندە. تمد ەلدەرىنىڭ مادەنيەتى مەن شىعارماشىلىعى» اتتى حالىقارالىق دوڭگەلەك ۇستەل ءوتتى، دەپ جازادى assembly.kz.

ءىس-شاراعا م.اۋەزوۆ اتىنداعى ادەبيەت جانە ونەر ينستيتۋتىنىڭ باس ديرەكتورى ك.ماتىجانوۆ، تمد ەلدەرىنىڭ وكىلدەرى: جازۋشى، «حۋدوجەستۆەننايا ليتەراتۋرا» باسپاسىنىڭ باس رەداكتورى گەورگيي پرياحين، بەلارۋس رەسپۋبليكاسىنان «زۆيازدا» پارلامەنتتىك گازەتى مەن باسپا ءۇيىنىڭ باس رەداكتورى الەس كارليۋكيەۆيچ قاتىسىپ، قازاقستان جازۋشىلارى وداعىنىڭ مۇشەلەسى، جازۋشى نۇرداۋلەت اقىش، رۋدن كافەدراسى مەڭگەرۋشىسىنىڭ ورىنباسارى گالاي كارينا، جازۋشى سايات قامشىگەر، فيلولوگيا عىلىمدارىنىڭ دوكتورى ءالىمجان حامرايەۆ، «قوعامدىق كەلىسىم» رمم رەسپۋبليكالىق دوستىق ءۇيىنىڭ قىزمەتكەرى جالعاس شىنىبەكوۆ، اقىن اباشيەۆ ايبول ءسوز سويلەپ، ءوز پىكىرلەرىن ءبىلدىردى.

دوڭگەلەك ۇستەل بارىسىندا قاتىسۋشىلار وتاندىق ادەبيەت سالاسىنىڭ قازىرگى جاعدايى، ونىڭ قوعامدى ۇيىستىرۋشى الەۋەتىن تالقىلادى.

قاتىسۋشىلاردىڭ ايتۋىنشا ادەبيەت حالىقتىڭ رۋحاني ءومىرىنىڭ بوياۋى. ادەبيەت حالىقتىڭ تىلەك-مۇددەسىنە تولىق سايكەس كەلگەن جاعدايدا ناعىز حالىقتىق سيپاتقا يە بولادى. وسىلاي پوليەتنيكالىق قازاقستاندىق قوعامدا مادەنيەت فەنومەنى رەتىندە ادەبيەتتىڭ ۇيىستىرۋشى الەۋەتى، ءارى ءرولى وتە ماڭىزدى.

سونىمەن قاتار وسكەلەڭ ۇرپاقتىڭ قالىپتاسۋىنا، رۋحاني قانىق بولۋىنا ادەبيەتتىڭ اسەرى زور ەكەندىگىن ايتىپ، جالپى مادەنيەتتىڭ وزەكتى ماسەلەلەرى تۋرالى پىكىر الماستى.