شەشەنستان باسشىسى رامزان قادىروۆتى سىناپ جۇرگەن وپپوزيسيالىق بلوگەر تۋمسو ابدۋراحمانوۆتى اتىپ كەتتى. بۇل تۋرالى 1ADAT تەلەگرام ارناسى حابارلادى. اقپاراتتى بلوگەردىڭ جاقىندارى دا راستاپ وتىر. بۇعان دەيىن 2020 جىلى بلوگەردىڭ ومىرىنە قاستاندىق جاسالىپ، شۆەسياداعى پاتەرىنە شابۋىل جاسالعان.
شۆەسيانىڭ قۇقىق قورعاۋ ورگاندارى اقپاراتقا قاتىستى ازىرگە رەسمي مالىمدەمە جاسامادى. ابدۋراحمانوۆتى جەلتوقساننىڭ 1-نەن 2-سىنە قاراعان ءتۇنى شۆەسيادا اتىپ ولتىرگەن.
"بىرنەشە كۇننەن بەرى تۋمسونىڭ ولىمىنە قاتىستى ءوزىمىز زەرتتەۋ جۇمىستارىن جۇرگىزدىك. العاشىندا ونىڭ ولىمىنە سەنە المادىق. ءقازىر ءبىزدىڭ قولىمىزدا قايعىلى وقيعاعا بايلانىستى جەتكىلىكتى اقپارات بار. ال ونىڭ اعاسى مۇحاممادتى ارنايى قىزمەت جاسىرىپ قويدى. الايدا اقپاراتتاردى ءوزىمىزدىڭ جانە جاقىندارىمىزدىڭ قاۋىپسىزدىگى ءۇشىن جاريالاي المايمىز"، دەلىنگەن تەلەگرام ارناداعى حابارلامادا.
شۆەسيادا تۇراتىن تۋمسو ابدۋراحمانوۆ 2 جەلتوقساننان بەرى حابارسىز كەتكەن. سول كەزدە ونىڭ ولتىرىلگەنى تۋرالى حابار تارادى.
"تۋمسونى تۇندە ءبىر توپ ادام اتىپ ولتىرگەن. ءقازىر وقيعانىڭ ءمان-جايى انىقتالۋدا"، دەپ جازادى 1ADAT تەلەگرام ارناسى.
پىكىر قالدىرۋ