بيىل قازاقستان مەن جاپونيا اراسىنداعى ديپلوماتيالىق قاتىناستاردىڭ ورناعانىنا 30 جىل تولدى. وسىنىڭ قۇرمەتىنە 7 جەلتوقساندا ءال-فارابي كىتاپحاناسىندا قازاق ۇلتتىق ۋنيۆەرسيتەتىنىڭ تۇلەگى، ەۆرازيا جازۋشىلار وداعى، جاپونيا فولكلوريستەر اسسوسياسياسى مەن توكيوداعى جاپونيا-ەۆرازيا ۇيىمى قۇرامىنداعى «جاستار كوميتەتىنىڭ» مۇشەسى شارافات جىلقىبايەۆانىڭ ەڭبەكتەرى بويىنشا «كۇنشىعىس اڭىزدارى»  دەپ اتالاتىن كورمە  اشىلدى.

كورمەنىڭ اشىلۋىندا جاپونيا قورىنىڭ وكىلى يدە گوحەي ءسوز سويلەدى.

«شارافات سان وسى ۋاقىتقا دەيىن ءتۇپنۇسقادان اۋدارعان ءارتۇرلى پروزالىق تۋىندىلار، كىلەڭ جاپونيادا ەڭ اتاقتى، حالىق ءسۇيىپ وقيتىن جازۋشىلاردىڭ شىعارمالارى بولىپ تابىلادى. سونداي تۋىندىلاردىڭ قازاق تىلىنە اۋدارىلۋى، قازاقستان ازاماتتارى ءوز تىلىندە جاپون ادەبيەتىمەن تانىسا الۋى، مەن جاپوننىڭ ءبىر بالاسى رەتىندە ريزامىن. شارافات ساننىڭ جاپون مادەنيەتى مەن ادەبيەتىنە سىڭىرگەن ەڭبەگىنە، جاپونيا ازاماتى رەتىندە العىس ايتقىم كەلەدى. شارافات ساننىڭ مەرەيلى بەلەستەرىمەن قۇتتىقتاي وتىرىپ، بۇدان ءارى دە جاپونيا مەن قازاقستاندى بايلانىستىرۋدا زور ەڭبەك ەتەدى دەپ ۇمىتتەنەمىن» دەي كەلە، شەتەلدىك مەيمان «قازاقستان مەن جاپونيانىڭ مادەني-رۋحاني بايلانىسى ودان سايىن دامي بەرسىن» دەگەن تىلەگىن جەتكىزدى.

ودان سوڭ تانىمال ونەرپاز ايتمۇرات تورەعالي جاپوننىڭ شياميسەن اسپابىندا ويناپ، مۋزىكالىق شاشۋ شاشتى.  

اقبوپە سيكينبايەۆا باستاعان كىتاپحانا ۇجىمى كورمەگە ىجداھاتتى دايىندالعانى كورىنىپ تۇر.

ادەبي-پۋبليسيستيكالىق شىعارمالار قويىلعان كورمە «جاپون ونەرiنiڭ باستاۋلارى جانە كوشپەندiلەر مادەنيەتi»، «قازاقستان جانە جاپونيا: جارقىن بولاشاققا ورتاق كوزقاراس»، «جاپون پروزاسى – قازاق تىلىندە» دەپ اتالاتىن ءۇش بولىمنەن تۇرادى. كورمەنى جۇرتشىلىققا ءال-فارابي كىتاپحاناسى اقپاراتتىق قىزمەت باسقارماسىنىڭ باسشىسى اقمارال جامانكوزيەۆا تانىستىردى.

كورمەنىڭ 1-بولىمىندە ش.جىلقىبايەۆانىڭ ەجەلگى جاپون مادەنيەتى، ادەبيەتى مەن بايىرعى ءتىلى تۋرالى جازعان شىعارمالارى ۇسىنىلدى. بۇل بولىمدە فولكلورتانۋشىنىڭ مىنانداي ەڭبەكتەرى قويىلعان: «قىزىل قاقپانىڭ قۇپياسى»، «كوك ءبورىنىڭ كوزى» كىتاپتارى جانە «قازاق ادەبيەتى» گازەتىنە جاريالانعان «كۇنشىعىستاعى جىراۋلار پوەتيكاسى»، «تاما مەن تانا»، «ووكامي – كوك ءبورi. جاپونداردىڭ ارحايكالىق تەگi تۋرالى»،  «ساقتار، عۇندار جانە جاپوندار»، «كوشپەندiلەردiڭ ەدزو مەملەكەتi تۋرالى»، «انا ءتىلى» ءتىلى گازەتىنە جاريالانعان «گۋنما»، «الەم ادەبيەتi» جۋرنالىنا جاريالانعان «جاپون اڭىزدارى»، ت.ب.

كورمەنىڭ 2ء-بولىمى ش.جىلقىبايەۆانىڭ قازاقستان مەن جاپونيانىڭ مادەني، ادەبي، ەكونوميكالىق، ت.ب. سالالار بويىنشا ىنتىماقتاستىق جولىندا اسقان اسۋلارى بەينەلەنگەن ماقالالارى مەن سۇحباتتارى جاريالانعان گازەت-جۋرنالدار قويىلعان. بۇل بولىمنەن «قازاقستان-جاپونيا ىنتىماقتاستىعىنا 25 جىل» («ەگەمەن قازاقستان»)، «سامۋرايدىڭ ۇرپاعى ەكەنiمدi ماقتان تۇتامىن» («قازاق ادەبيەتi»)، «بالانى انا تiلiندە تاربيەلەۋ ءار ايەلدiڭ مiندەتi» («قازاق ادەبيەتi»)، «جازۋشىنىڭ جان-دۇنيەسi» («قازاق ادەبيەتi»)، «حيروشيما مەن سەمەي جۇرەگىمنىڭ تۇكپىرىندە تۇرادى» («تۇركىستان»)، «ات ءۇستiندەگi قازاق ايبارلى كورiنەدi ەكەن» («انا تiلi»)، ت.ب. ماقالالارى ورىن العان.

ءۇشىنشى بولىمگە ش.جىلقىبايەۆا جاپون تىلىنەن اۋدارىپ جاريالاعان «سايگو تاكاموري» (اكۋتاگاۆا ريۋنوسكە، «جۇلدىز» جۋرنالى)، «ورمەكشiنiڭ جiبi» (اكۋتاگاۆا ريۋنوسكە، «جاس الاش»)، «تاندەگى تاڭبا» (تانيدزاكي دجيۋنيچيروۋ، «قازاق ادەبيەتi»)، «اين اڭىزدارى» («ۇركەر» جۋرنالى)، «اراق قۇرتى» (اكۋتاگاۆا ريۋنوسكە، «جاس الاش»)، «ءبىر ساباق ءجۇزىم» (اريشيما تاكەو، «اقجەلكەن»)، ت.ب. شىعارمالار، «كۇنشىعىس اڭىزدارى» كىتابى قويىلعان. بۇل كۇنى وقىرماندار كىتاپحانا قورىندا كوپ جىلدان بەرى ساقتاۋلى تۇرعان جاپونيا تۋرالى ءارتۇرلى تىلدە جارىق كورگەن كىتاپتارمەن دە تانىستى.

بۇل كورمەدە سونداي-اق، جاپون گازەت-جۋرنالدارىنا جاريالانعان شارافات جىلقىبايەۆانىڭ قازاقستان تۋرالى ەڭبەكتەرى جۇرتشىلىق نازارىنا ۇسىنىلدى. كورمەنىڭ اشىلۋىندا جاپونتانۋشى عالىم ءال-فارابي كىتاپحاناسىنا 2021 جىلى شىققان «كوك ءبورىنىڭ كوزى» دەپ اتالاتىن كىتابىنىڭ (1 توم) 10 داناسىن تارتۋ ەتتى.

ءوز تىلشىمىزدەن