پرەزيدەنت ق.توقايەۆ شەتەلدەن كىرگىزىلگەن كولىكتەردى زاڭداستىرۋ ماسەلەسى بويىنشا ءتۇسىندىرۋ جۇمىستارىن سىنادى.
– ءبىز شەتەلدەن اكەلىنگەن اۆتوكولىكتەردى زاڭداستىرۋ تۋرالى شەشىم قابىلدادىق. الايدا ۇكىمەت اقپاراتتىق جۇمىستى دۇرىس جۇرگىزگەن جوق. سونىڭ كەسىرىنەن، جۇرت بۇل ناۋقان قالاي جۇرگىزىلەتىنىن بىلمەي، اۋرە-سارساڭعا ءتۇسىپ ءجۇر. ناقتى قانداي كولىكتەردى زاڭداستىرۋعا بولاتىنىنان دا حابارسىز. مۇنداي ماڭىزدى مالىمەتتەر ازاماتتارعا قولجەتىمدى بولۋعا ءتيىس جانە ونى سەنىمدى اقپارات كوزدەرىنەن الۋى قاجەت. ەلدى الاڭداتىپ، دۇربەلەڭ تۋعىزباۋ ءۇشىن ۇكىمەت مۇنىڭ ءبارىن تۇراقتى تۇردە حالىققا قاراپايىم تىلمەن ءتۇسىندىرىپ وتىرۋى كەرەك، – دەدى ول ۇكىمەتتىڭ كەڭەيتىلگەن وتىرىسىندا.
1 قىركۇيەككە دەيىن ەلگە كىرگىزىلگەن كولىكتەردى زاڭداستىرۋ شارتتارى مەن پروسەدۋراسى ءالى كۇنگە دەيىن ايقىن ەمەس. كەي دەرەكتەردە ەلگە اتالعان مەرزىمگە دەيىن 350 مىڭ كولىك كىرگىزىلگەن دەلىنەدى.
پىكىر قالدىرۋ