استانانىڭ جاڭا اكىمى جەڭىس قاسىمبەك لرت قۇرىلىسى قاشان اياقتالاتىنىن ايتتى.
"لرت قارجىلاندىرۋ مەرزىمىنە بايلانىستى ەكى-ۇش جىلدىڭ ىشىندە اياقتالادى"، - دەدى جەڭىس قاسىمبەك ۇكىمەتتىڭ كەڭەيتىلگەن وتىرىسىنان كەيىن.
بۇعان دەيىن ەلوردا اكىمدىگى LRT جەلىلەرىندە ارقالىقتار مەن قادالاردى مونتاجداۋ جۇمىستارى جىل سوڭىنا دەيىن اياقتالاتىنىن مالىمدەگەن ەدى.
2023 جىلى تەمىربەتون كونسترۋكسيالاردى ورناتۋعا كىرىسىپ، ينجەنەرلىك جەلىلەردى تولىقتاي جۇرگىزۋ جوسپارلانىپ وتىر. ءقازىردىڭ وزىندە 40 جينالمالى ارقالىق قۇراستىرىلعان.
ايتا كەتەرى، استاناداعى LRT قۇرىلىسىن جالعاستىرۋعا ۇكىمەت بيىل كۇزدە 20 ملرد تەڭگە ءبولدى. بۇعان دەيىن جەرۇستى مەترو قۇرىلىسىن اياقتاۋعا 577 ملن دوللار قاجەت ەكەنى حابارلانعان بولاتىن.
پىكىر قالدىرۋ