جەمقورلىققا قارسى ءىس-قيمىل اگەنتتىگى قايرات ساتىبالدىنىڭ بۇرىنعى ايەلى گۇلميرا ساتىبالدىنىڭ ۇستىنەن قوزعالعان قىلمىستىق ءىستىڭ ەكى ەپيزودى بويىنشا تەرگەۋ اياقتالعانىن حابارلادى.
“گۇلميرا ساتىبالدى، ونىڭ باقىلاۋىنداعى "اريا-جاڭا استانا" ج ش س باسشىلىعى جانە مەملەكەتتىك ورگانداردىڭ لاۋازىمدى تۇلعالارى وبەكتىلەردى سالۋعا بولىنگەن بيۋدجەت قاراجاتىن ۇرلادى دەگەن كۇدىككە ءىلىنىپ وتىر. تەرگەۋ ساتىسىندا مەملەكەتكە كەلتىرىلگەن زالال تولىعىمەن وتەلدى. وسى فاكت بويىنشا دا سوتقا دەيىنگى تەرگەۋ اياقتالىپ، ءىس كۇدىكتىلەر مەن ولاردىڭ ادۆوكاتتارىنا تانىسۋعا بەرىلدى” دەپ جازىلعان سىبايلاس جەمقورلىققا قارسى ءىس-قيمىل اگەنتتىگىنىڭ حابارلاماسىندا.
وعان قاتىستى كاسىپورىنداردىڭ قاتىسۋ ۇلەستەرىن زاڭسىز يەمدەنۋدىڭ، سونىڭ ىشىندە ادام ۇرلاۋمەن ۇشتاسقان ەكى فاكتىسى تەرگەلگەن. جابىرلەنۋشىگە كەلتىرىلگەن زالال سوماسى 6،6 ملرد تەڭگەدەن اسادى.
گۇلميرا ساتىبالدىعا قاتىستى بيزنەستى باسىپ الۋدىڭ جانە زاڭسىز باس بوستاندىعىنان ايىرۋدىڭ باسقا ەپيزودتارى بويىنشا تەرگەۋ جالعاسىپ جاتىر.
پىكىر قالدىرۋ