ماڭعىستاۋ وبلىسى جاڭاوزەن قالاسىندا كەلىسىم-شارت نەگىزىندەگى اسكەري قىزمەتكەر وزىنە قول سالعان. بۇل تۋرالى اقتاۋ گارنيزونىنىڭ اسكەري پروكۋرورى ەرلان قۇتقوجا حابارلادى، دەپ جازادى جەرگىلىكتى لادا باسىلىمى.
وقيعا ۇلتتىق گۆاردياعا قاراستى 5548 اسكەري ءبولىمىنىڭ جاتاقحاناسىندا بولعان. اسكەري قىزمەتكەر ءوزىنىڭ بولمەسىندە بەلدىگىنە اسىلىپ قالعان.
ەرلان قۇتقوجانىڭ ايتۋىنشا، اسكەري قىزمەتكەر نەبارى 19 جاستا بولعان. ۇلتتىق ۇلان ساپىنا 2021 جىلى قوسىلعان. اقتوبە وبلىسىنىڭ تۋماسى. اسكەردە ساپەر بولىپ قىزمەت ەتكەن. ۇيلەنبەگەن.
"تراگەديا تۋرالى جاقىندارىنا حابار بەرىلدى. جاعدايدىڭ جاي-جاپسارى انىقتالىپ جاتىر. بۇل – سۇمدىق تراگەديا" دەدى ەرلان قۇتقوجا.
پىكىر قالدىرۋ