Adal پارتياسى قىزمەتىن توقتاتتى. بۇل تۋرالى ادىلەت مينيسترلىگى حابارلادى، دەپ جازادى كازتاگ اگەنتتىگى.
ازاماتتىق كودەكستىڭ 45-بابىنا سايكەس، 2022 جىلعى 20 جەلتوقساندا Adal ساياسي پارتياسى رەسمي تۇردە قىزمەتىن توقتاتقانى تۋرالى قۇجات تىركەلگەن. مۇنداي شەشىمگە پارتيانىڭ 2022 جىلعى 17 ناۋرىزدا وتكەن كەزەكتەن تىس سەز بەن "AMANAT" پارتياسىنىڭ 2022 جىلعى 26 ساۋىردە وتكەن كەزەكتەن تىس ءححىىى سەزىندەگى شەشىم نەگىز بولعان. وسىلايشا، Adal پارتياسى تولىقتاي AMANAT پارتياسىنىڭ قۇرامىنا ءوتتى.
"ادىلەت" جانە "رۋحانيات" پارتيالارىنىڭ بىرىگۋى ناتيجەسىندە قۇرىلعان پارتيا تىركەلگەن 2013 جىلعى 26 ساۋىردە "بىرلىك" دەگەن اتپەن تىركەلگەن.
2021 جىلعى پارلامەنت سايلاۋى قارساڭىندا پارتيا رەبرەندينگ جاساپ، "Adal" دەگەن اتتى الدى. سايلاۋ كومپانياسى كەزىندە جۋرناليست ماقسات تولىقباي، بلوگەر داۋلەت مۇقايەۆ سەكىلدى ەلگە بەلگىلى ادامداردى قاتارىنا تارتىپ، ۇگىت-ناسيحات جۇمىسىن بەلسەندى جۇرگىزگەن.
الايدا سايلاۋ ناتيجەسى بويىنشا ماجىلىسكە وتۋگە مۇمكىندىك بەرەتىن 7 پايىزدى جيناي الماي، پارلامەنتكە وكىلىن جىبەرە المادى.
پارتيانىڭ بەت-بەينەسىندەي بولىپ كەتكەن ماقسات تولىقباي پارتيا كەلەسى سايلاۋعا دەيىن قالىڭ ۇيقىعا كەتەتىن پارتيا بولمايدى، جۇمىسى جاندانا بەرەدى دەگەن سىڭايدا پىكىر بىلدىرگەنىمەن، بيىل ناۋرىز ايىندا پارتيا ساياسي كەڭەسى AMANAT-قا قوسىلاتىنىن ءمالىم ەتتى.
پىكىر قالدىرۋ