جامبىل وبلىسىنىڭ بۇرىنعى اكىمى جانە "قازسەلقورعاۋ" مەملەكەتتىك مەكەمەسىنىڭ باسشىسى كارىم كوكىرەكبايەۆ ۇستالدى، دەپ حابارلايدى سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى.
اگەنتتىكتىڭ باسپا ءسوز قىزمەتى جامبىل وبلىسىنىڭ بۇرىنعى اكىمى جانە «قازسەلقورعاۋ» مەملەكەتتىك مەكەمەسىنىڭ باسشىسى كارىم كوكىرەكبايەۆتىڭ قاماۋعا الىنعانىن راستادى دەپ جازادى قازاقپارات. ايتا كەتسەك، ازىرگە ەكس-اكىمنىڭ قاماۋعا الىنۋىنا قاتىستى ءىستىڭ ءمان-جايى بەلگىسىز.
Ulysmedia.kz سايتىنىڭ حابارلاۋىنشا، كارىم كوكىرەكبايەۆتىڭ "BAZIS CONSTRUCTION" - "INFR" ج ش س فيليالىنىڭ ديرەكتورىنان شامامەن 800 مىڭ دوللار كولەمىندە پارا الۋ كەزىندە ۇستالعان.
ەسكە سالايىق، كارىم كوكىرەكبايەۆ ءار جىلدارى جامبىل وبلىسى مويىنقۇم اۋدانىنىڭ اكىمى، تابيعي رەسۋرستار جانە قورشاعان ورتانى قورعاۋ ۆيسە-مينيسترى، "ەيرقازاقتۋر" ءجشس-نىڭ باس ديرەكتورى، "قازاقستان تەمىر جولى" ۇلتتىق كومپانياسىنىڭ ۆيسە-پرەزيدەنتى، باسقارۋشى ديرەكتورى، دامۋ جونىندەگى ۆيسە-پرەزيدەنتى، باس ينجەنەرى بولىپ قىزمەت ەتكەن. جامبىل وبلىسى اكىمىنىڭ ورىنباسارى، جامبىل وبلىسى اكىمنىڭ ءبىرىنشى ورىنباسارى لاۋازىمىندا بولدى.
2018 جىلدىڭ قاڭتارىنا دەيىن جامبىل وبلىسىنىڭ اكىمى قىزمەتىن اتقاردى. سول جىلى اقپاندا مەملەكەت باسشىسىنىڭ جارلىعىمەن قىرعىز رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالعان ەدى.
2019 جىلدىڭ تامىزىندا "قازسەلقورعاۋ" مم باسشىسى بولىپ تاعايىندالدى.
پىكىر قالدىرۋ