الماتى وبلىسى قاراساي اۋداندىق سوتىنىڭ ۇكىمىمەن "قازاق ۇلتتىق قىزدار پەداگوگيكالىق ۋنيۆەرسيتەتىنىڭ" بۇرىنعى رەكتورى، باسقارما ءتوراعاسى گ.الدامبەرگەنوۆا، رەكتوردىڭ كەڭەسشىسى ق. قوجانتايەۆ (الدامبەرگەنوۆانىڭ تۋعان اعاسى) جانە "ازاماتتارعا ارنالعان ۇكىمەت "مەملەكەتتىك كورپوراسياسى" كەاق فيليالى قاراساي جەر كاداسترى جانە جىلجىمايتىن مۇلىك ءبولىمىنىڭ باسشىسى ا. جۋرۋنوۆ كىنالى دەپ تانىلىپ، 7 جىلعا باس بوستاندىعىنان ايىرىلدى، دەپ حابارلادى سىبايلاس جەمقورلىققا قارسى قىزمەت.

سول ۇكىممەن قاراساي ءبولىمى باسشىسىنىڭ ورىنباسارى د. ءجۇمادىل مەن ءبولىم مامانى ە. كەمال شارتتى تۇردە 7 جىلعا باس بوستاندىعىنان ايىرىلعان.

بارلىق سوتتالعاندارعا مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرۋ تۇرىندەگى جازا قولدانىلعان.

"تەرگەۋ بارىسىندا سوتتالعانداردىڭ بوگدە تۇلعالارعا زاڭسىز رەسىمدەلگەنى، ۋنيۆەرسيتەتتىڭ 9 گا جەر ۋچاسكەسىن ءبولىپ جانە ادال ساتىپ الۋشىلارعا ساتقانى دالەلدەندى. ناتيجەسىندە ۋنيۆەرسيتەتكە 95،5 ميلليون تەڭگە شىعىن كەلتىرىلدى" دەلىنگەن انتيكور حابارلاماسىندا.