رەسەيلىك جۋرناليست لەونيد ملەچين "قايعىلى قاڭتار: پرەزيدەنت توقايەۆ جانە ساباق شىعارۋ" كىتابىندا قاڭتار وقيعاسى كەزىندە كۇش قۇرىلىمدارى پرەزيدەنت ق.توقايەۆتى اقپاراتتان وقشاۋلاپ، بۇرىس دەرەكتەر بەردى دەپ جازعان.
ءجۋرناليستىڭ جازۋىنشا، كۇش قۇرىلىمدارى پرەزيدەنتتى 4-6 قاڭتار كۇندەرى اقپاراتتىق يزولياسيادا ۇستاپ، ۇرەي تۋدىرۋ ءۇشىن تارتىپسىزدىك اۋقىمى مەن وبلىس ورتالىقتارىنا شابۋىل جاساۋشىلار سانىن كوبەيتىن جەتكىزگەن. ءتىپتى اقورداعا شابۋىل جاساۋ تۋرالى جوسپار بارى تۋرالى دا ايتقان.
لەونيد ملەچين توقايەۆتىڭ ەسكەرتۋسىز وق اتۋ تۋرالى بۇيرىعى وسىنداي الاساپىران جاعدايدا شىقتى، الايدا ول بۇيرىق توتەنشە جاعداي تالابىنا باعىنباعان قاسكويلەرگە باعىتتالعان ەدى، ال سول كەزدە قورعانىس مينيسترلىگىن باسقارعان مۇرات بەكتانوۆ وكىلەتىن اسىرا پايدالانىپ، كۇشتى ورىنسىز قولداندى" دەيدى.
بەيبىت دەمونسترانتتاردىڭ وققا ۇشۋىن ءقازىر قاماۋدا وتىرعان ەكس-مينيسترگە جابا سويلەگەن جۋرناليست بۇگىنگى كۇن كوزىمەن قاراعاندا پرەزيدەنت دۇرىس شەشىم قابىلداپ، ەلدى حاوستان امان الىپ قالدى دەپ سانايدى. سونداي-اق ول توقايەۆ قاڭتار وقيعاسىنان دۇرىس ساباق شىعاردى، پرەزيدەنتتىڭ كوپتەگەن وكىلەتىنەن باس تارتۋ ارقىلى جەكە ديكتاتۋرا رەجيمىنەن كەتۋدى باستادى دەگەندى ايتادى.
جۋرناليست الەۋمەتتىك جەلىدە الدەكىمدەر كارىم ءماسىموۆتى تەرگەۋ بارىسىندا نۇرسۇلتان نازاربايەۆ قايتادان پرەزيدەنت بولىپ 3 جىل وتىرۋدى جوسپارلاعانى، كارىم ماسىموۆكە شەكسىز مۇمكىندىك بەرە وتىرىپ پرەمەر-مينيستر لاۋازىمىن ۋادە ەتكەنى تۋرالى بەلگىلى بولعانىن ايتىپ ءجۇر دەيدى. ءبىراق ناقتى دەرەككوزدى كورسەتپەيدى.
دەرەككوز: كازتاگ سايتى
پىكىر قالدىرۋ