"وتباسى بانك" اق باسقارما ءتوراعاسى ءلاززات يبراگيموۆا جىلجىمايتىن مۇلىك نارىعىندا كەلەر جىلى 2 ترەند بايقالۋى مۇمكىن ەكەنىن ايتتى.
ءبىرىنشىسى، العاشقى نارىق پەن قايتالاما نارىقتاعى باعا ءبولىنىپ، ەكى ءتۇرلى ترەند بايقالۋى مۇمكىن. ءلاززات يبراگيموۆانىڭ سوزىنشە، بۇكىل الەمدە جاڭا ۇيلەر ەسكى ۇيلەرگە قاراعاندا قىمباتىراق جۇرەدى. ال قازاقستاندا قوس نارىق بىر-بىرىمەن وتە تىعىز بايلانىستا.
"ورنالاسقان جەرىنە بايلانىستى 1963 جىلعى ءۇي باعاسى ەكونوميكالىق، قارجىلىق العىشارتتار جوعىنا، ءارتۇرلى قۇرىلىس ماتەريالى، تەحنولوگيا، ساۋلەت ءستيلى قولدانىلعانىنا، اۋلالاردىڭ، الاڭقايلاردىڭ ارتۇرلىلىگىنە قاراماستان، 2021 جىلعى ءۇي باعاسىمەن بىردەي بولۋى مۇمكىن. مەنىڭشە، 2023 جىلى ەكى نارىق ءبولىنىپ، باعا ءارتۇرلى بولادى" دەيدى ساراپشى.
ءلاززات يبراگيموۆا جىلجىمايتىن مۇلىك نارىعىنداعى ەكىنشى ترەند رەتىندە قايتالاما نارىقتاعى باعانىڭ قاتتى قۇلاي قويمايتىنىن، جاڭا ۇيلەر قىمباتتاي ءتۇسۋى ىقتيمال ەكەنىن ايتادى.
ساتۋشىلار پاتەرىن ويىنداعى باعاعا وتكىزۋ ءۇشىن پاتەر ساتۋعا اسىقپاۋى قايتالاما نارىقتاعى باعانىڭ قاتتى وزگەرمەۋىنە اكەلەدى.
"ال العاشقى نارىقتا ءقازىر ۇسىنىس ازايعانى بايقالادى. سالىنىپ جاتقان جاڭا نىساندار كوپ ەمەس. الداعى 18 ايدا قۇرىلىسشىلار پاتەرلەردى تەزىرەك ساتۋ ءۇشىن جەڭىلدىك جاسايدى،. بۇل ورتاشا مەرزىمدە العاشقى نارىقتاعى باعانى وسىرەدى" دەيدى "وتباسى بانك" اق باسقارما ءتوراعاسى.
دەرەككوز: informburo.kz
پىكىر قالدىرۋ