ءماجىلىس ءتوراعاسى ەرلان قوشانوۆ كۋلۋاردا تۇڭعىش پرەزيدەنت تۋرالى زاڭنىڭ كۇشىن جويۋ جونىندە پىكىر ءبىلدىردى، دەپ جازادى Ulysmedia.kz.

"تۇڭعىش پرەزيدەنت تۋرالى زاڭنىڭ كۇشى جويىلسا، وندا اتالعان زاڭدا قاراستىرىلعان بۇكىل يممۋنيتەت (نازاربايەۆتىڭ) جويىلادى. كۇشىندە بولمايدى"، - دەدى ەرلان قوشانوۆ.

ەسكە سالا كەتسەك، ءماجىلىس بۇگىن "قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى" قازاقستان رەسپۋبليكاسى كونستيتۋسيالىق زاڭىنىڭ كۇشi جويىلدى دەپ تانۋ تۋرالى" ق ر كونستيتۋسيالىق زاڭىنىڭ جوباسىن قاراۋعا العان ەدى.

اتالعان زاڭ جوباسى رەسپۋبليكالىق رەفەرەندۋم قورىتىندىلارى بويىنشا ەل كونستيتۋسياسىنا ەنگىزىلگەن وزگەرىستەردى ىسكە اسىرۋ ماقساتىندا ازىرلەنگەن

اتاپ ايتاتىن بولساق، 8 ماۋسىمداعى زاڭمەن كونستيتۋسياعا ەنگىزىلگەن تۇزەتۋلەرگە سايكەس قازاقستاننىڭ تۇڭعىش پرەزيدەنتىنىڭ مارتەبەسى مەن وكىلەتتىگى رەسپۋبليكا كونستيتۋسياسىمەن جانە كونستيتۋسيالىق زاڭمەن ايقىندالادى دەگەن نورمانى كوزدەيتىن اتا زاڭنىڭ 46-بابى 4-تارماعى الىنىپ تاستالدى.

وسىعان بايلانىستى، بۇل زاڭ جوباسىمەن قۇقىقتىق نەگىزدىڭ جوقتىعىن ەسكەرە وتىرىپ، ءتيىستى كونستيتۋسيالىق زاڭنىڭ كۇشىن جويۋ كوزدەلەدى.