پرەزيدەنت ق.توقايەۆ پارلامەنت سەناتىنىڭ وتىرىسىندا 2023 جىلدىڭ باسىندا ۇكىمەت قۇرامىن وزگەرتەتىنىن ءمالىم ەتتى.
– مەن جاقىندا وتكەن ۇكىمەت وتىرىسىندا بۇل ماسەلە بويىنشا ناقتى ايتتىم. ەلىمىز ءۇشىن وتە ماڭىزدى ءبىرقاتار ماسەلە بويىنشا ۇكىمەت لايىقتى بەلسەندىلىك كورسەتىپ وتىرعان جوق، شەشىمدەرىن باياۋ قابىلداپ جاتىر. ۇكىمەت وسى ولقىلىقتاردى تۇزەتۋ ءۇشىن ارەكەتتەرىن قولدانۋدا، تاياۋ ارادا ونىڭ جۇمىسىنىڭ تيىمدىلىگى ارتادى دەپ ويلايمىن. پرەمەر-مينيستردىڭ ۇسىنىسى بويىنشا جاڭا جىلدىڭ باسىندا ۇكىمەتتە ءبىرقاتار كادرلىق وزگەرىستەر جاساماقشىمىن. جالپى، ۇكىمەتتىڭ الدىندا تۇرعان ماقساتتار – وتە اۋقىمدى جانە وزەكتى، دەدى توقايەۆ.
پىكىر قالدىرۋ