قاسىم-جومارت توقايەۆ بىرنەشە ءمينيستردى قىزمەتىنەن بوساتىپ، كادرلىق ءاۋىس-تۇيىس جاسادى.
پرەزيدەنت جارلىعىمەن ءزۇلفيا سۇلەيمەنوۆا ق ر ەكولوگيا جانە تابيعي رەسۋرستار ءمينيسترى لاۋازىمىنا تاعايىندالدى. بۇعان دەيىن بۇل قىزمەتتى سەرىكقالي برەكەشوۆ اتقارعان
يندۋستريا جانە ينفراقۇرىلىمدىق دامۋ ءمينيسترى بولىپ مارات قارابايەۆ تاعايىندالدى. بۇعان دەيىن اتالعان مينيسترلىكتى قايىربەك وسكەنبايەۆ باسقارعان.
داۋرەن ابايەۆ مادەنيەت جانە سپورت ءمينيسترى قىزمەتىنەن بوساتىلىپ، ونىڭ ورنىنا "Amanat" پارتياسىنىڭ اتقارۋشى حاتشىسى اسحات ورالوۆ تاعايىندالدى.
بۇعان دەيىن پرەمەر-مينيستر كەڭسەسىنىڭ باسشىسى قىزمەتىن اتقارعان عالىمجان قويشىبايەۆ قازاقستان پرەمەر-مينيسترىنىڭ ورىنباسارى – ۇكىمەت اپپاراتىنىڭ باسشىسى لاۋازىمىنا تاعايىندالدى.
بۇدان بولەك، ازامات ەسقارايەۆ ادىلەت ءمينيسترى بولىپ تاعايىندالدى. قاڭتار وقيعاسىنان كەيىن ادىلەت ءمينيسترى بولىپ تاعايىندالعان سەرىك مۋسين وتكەن اپتادا بۇل قىزمەتتەن بوساتىلىپ، جاڭادان قۇرىلعان كونستيتۋسيالىق سوتتىڭ سۋدياسى بولىپ تاعايىندالعان ەدى.
پىكىر قالدىرۋ