پرەزيدەنت جارلىعىمەن اسحات ايماعامبەتوۆ قىزمەتىنەن بوساتىلىپ، ونىڭ ورنىنا عاني بەيسەمبايەۆ ق ر وقۋ-اعارتۋ ءمينيسترى بولىپ تاعايىندالدى. بۇل تۋرالى اقوردانىڭ باسپا ءسوز قىزمەتى ءمالىم ەتتى.
"مەملەكەت باسشىسىنىڭ جارلىعىمەن عاني بەكتاي ۇلى بەيسەمبايەۆ قازاقستان رەسپۋبليكاسىنىڭ وقۋ-اعارتۋ ءمينيسترى لاۋازىمىنا تاعايىندالدى" دەلىنگەن جارلىقتا.
عاني بەيسەمبايەۆ 1969 جىلى قىزىلوردا وبلىسىندا دۇنيەگە كەلگەن.
اباي اتىنداعى الماتى مەملەكەتتىك ۋنيۆەرسيتەتىن بىتىرگەن.
1989-1990 جىلدارى – قازاق ءتىلى ءمۇعالىمى.
1990-1995 جىلدارى – ورتا مەكتەپتە ديرەكتوردىڭ وقۋ-تاربيە ءىسى جونىندەگى ورىنباسارى.
1995-1997 جىلدارى – ورتا مەكتەپ ديرەكتورى.
1997-2000 جىلدارى – ق ر بعم ى.التىنسارين اتىنداعى قازاق ءبىلىم اكادەمياسى پرەزيدەنتىنىڭ عىلىمي حاتشىسى، رەفەرەنتى.
2000-2001 جىلدارى – قاپشاعاي قالاسى ءبىلىم ءبولىمىنىڭ باسشىسى.
2001-2006 جىلدارى – حالىقارالىق قوسىمشا ءبىلىم بەرۋ ورتالىعىنىڭ ديرەكتورى.
2006-2007 جىلدارى – الماتى تەحنولوگيالىق ۋنيۆەرسيتەتى تەحنيكالىق-ەكونوميكالىق كوللەدج ديرەكتورى.
2007-2020 جىلدارى – حالىقارالىق ءبىلىم بەرۋ ورتالىعىنىڭ باس ديرەكتورى.
2020 جىلى ق ر بعم "وقۋلىق" رەسپۋبليكالىق عىلىمي-پراكتيكالىق ورتالىعىنىڭ ديرەكتورى بولدى.
2020-2022 جىلدارى – ق ر بعم ى.التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى.
2022 جىلعى ناۋرىزدان باستاپ – ق ر ءبىلىم جانە عىلىم ۆيسە-مينيسترى.
2022 جىلعى تامىزدان باستاپ قازىرگى ۋاقىتقا دەيىن – ق ر وقۋ-اعارتۋ ۆيسە-مينيسترى.
پىكىر قالدىرۋ