ۋكرايناداعى سوعىس كەزىندە رەسەي تاراپىنان قازا تاپقان 11 مىڭنان استام ساربازدىڭ ءاتى-جونى بەلگىلى بولدى. ولاردىڭ 539-ى موبيليزاسيالانعان ساربازدار. مۇنداي دەرەكتى BBC اشىق دەرەكتەر نەگىزىندە انىقتاعان.
سوعىستىڭ ءبىرىنشى كۇنىنەن باستاپ ءۆۆس-دىڭ ورىس قىزمەتى "مەديازون" باسىلىمى (رەسەيدە "شەتەلدىك اگەنت" دەپ تانىلعان) جانە ەرىكتىلەر توبىمەن بىرگە ۋكراينادا سوعىس كەزىندە قازا تاپقان ازاماتتاردىڭ ءتىزىمىن جاساۋمەن اينالىسىپ كەلەدى. 6 قاڭتاردا باسىلىم 11009 سارباز بەن وفيسەر قازا تاپقانى تۋرالى اقپاراتتى راستادى.
باسىلىم جينالعان دەرەكتەر ادام شىعىنىنىڭ ناقتى كورسەتكىشى ەمەس، شىنايى كورسەتكىش كەم دەگەندە 40-60%-عا جوعارى بولۋى مۇمكىن دەپ وتىر. كەمىتىپ ەسەپتەگەننىڭ وزىندە ۋكرايناداعى سوعىستا پۋتين 22 مىڭ ساربازىنان ايىرىلعان مۇنداي قورىتىندى رەسەيدىڭ 60-تان استام ەلدىمەكەنىندەگى زيراتتاعى جاعدايدى زەرتتەۋ ناتيجەسى بويىنشا جاسالعان.
قازا تاپقاندارعا حابار-وشارسىز كەتكەن، جاراقات الىپ مايدان شەبىنەن شىعىپ قالعانداردى قوساندا رەسەيدىڭ ادامي شىعىنى 99 مىڭدى قۇرايدى. بۇعان دونەسك پەن لۋگانكسىدەگى "حالىقتىق ميليسيا" ساپىندا سوعىسقاندار كىرمەيدى دەپ حابارلادى باسىلىم.
پىكىر قالدىرۋ