بەلگىلى قازاقستاندىق ارتىستەر الەۋمەتتىك جەلىدەگى پاراقشاسىندا «ءوزىڭنىڭ دابىل شابادانىڭدى كورسەت» چەللەندجىن باستادى. العاشقىلاردىڭ ءبىرى بولىپ انشىلەر بۇركىت پەن ايشا توتەنشە جاعداي نەمەسە جەر سىلكىنىسى كەزىندە قاجەتتى زاتتار سالاتىن «دابىل شابادانىن» كورسەتتى.
پوسموترەت ەتۋ پۋبليكاسيۋ ۆ Instagram
«سوڭعى جەر سىلكىنىسىنەن كەيىن ءبىز «دابىل شابادانىمىزدى» جيناۋعا كىرىستىك» دەيدى ايشا.
بۇركىت شابادان ىشىندەگى تەرموس، زاريادتاۋ قۇرىلعىسى، شام، جىلى كيىمدەر، وتتىق، سپيرت، باتارەيا ت.ب. كورسەتتى. «دوستارىم مەن ارىپتەستەرىم توتەنشە جاعدايعا دايىن با؟» دەپ ساۋال قويعان جۇلدىزدى جۇپ دابىل شابادانىن كورسەتۋگە شاقىردى. انشىلەر ارىپتەستەرىنەن چەللەندجدى جالعاستىرۋدى سۇرادى.
چەللەندجدى ءانشى نۇرلان البان جانە انار باتىرحان قولدادى، ولار دابىل شابادانىن كورسەتىپ، ءمولدىر اۋەلبەكوۆا، KeshYou توبى، لۋينا جانە ت.ب. ارىپتەستەرىنە چەللەندج جولدادى.
پوسموترەت ەتۋ پۋبليكاسيۋ ۆ Instagram
الماتى قالاسى بويىنشا توتەنشە جاعدايلار دەپارتامەنتى دە چەللەندجدى قولدايدى جانە تۇرعىنداردى توتەنشە جاعدايعا دايىن بولۋعا شاقىرادى.
دەپارتامەنت ماماندارى «دابىل شابادانىندا» قانداي زاتتار بولۋى كەرەكتىگىن ايتتى:
- اقشا،
- قۇجات؛
- العاشقى مەديسينالىق كومەك قوبديشاسى؛
- ءبىر ادامعا ەسەپتەلگەن سۋ – قىستا تاۋلىگىنە 3-4 ليتر (جازدا 5-6 ليتر)؛
- كونسەرۆىلەر، جوعارى كالوريالى تاعامدار؛
- گيگيەنا قۇرالدارى؛
- جىلى كيىم،
- كورپە؛
- قاجەتتى زاتتار - شام، باتارەيالار، سىرىڭكەلەر، قۇرالدار، ىسقىرىق).
پوسموترەت ەتۋ پۋبليكاسيۋ ۆ Instagram
ايتا كەتەيىك، الماتى قالاسى جىل سايىن 200-گە دەيىن جەر سىلكىنىسى بولاتىن 9-10 بالدىق سەيسميكالىق ايماقتا ورنالاسقان. سول سەبەپتى ءار ازاماتتىڭ توتەنشە جاعدايعا جانە ودان كەيىنگى ارەكەتكە دايىن بولعانى ءجون.
پىكىر قالدىرۋ