پاۆلودار وبلىسى پوليسيا دەپارتامەنتىنىڭ بۇرىنعى باسشىسى نۇرلان ءماسىموۆتىڭ ۇستىنەن قوزعالعان ءىس بويىنشا العاشقى سوت وتىرىسى ءوتتى، دەپ حابارلادى ءوڭىر سوتىنىڭ باسپا ءسوز قىزمەتى.
"بۇگىن ساعات 15:00-دە پاۆلودار وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا الدىن الا تىڭداۋ بەلگىلەندى. الدىن الا تىڭداۋ قورىتىندىسى بويىنشا نەگىزگى سوت تالقىلاۋىنىڭ مەرزىمى بەكىتىلەدى"، - دەلىنگەن حابارلامادا.
2022 جىلعى ساۋىردە انتيكور پوليسيا گەنەرال-مايورى نۇرلان ماسىموۆكە قاتىستى سوتقا دەيىنگى تەرگەۋ باستاپ، وعان ىزدەۋ جاريالانعان. اسا ءىرى كولەمدە پارا الدى دەگەن كۇدىككە ىلىنگەن گەنەرال-مايور رەسەيگە ءوتىپ ەلدەن قاشپاق بولعان كەزىندە جالعان قۇجاتپەن ۇستالعان بولاتىن. نۇرلان ءماسىموۆ ۇقك-نىڭ ەكس-توراعاسى، مەملەكەتكە وپاسىزدىق جاسادى، مەملەكەتتىك توڭكەرىس جاساماق بولدى دەگەن ايىپپەن سوت پروسەسى ءوتىپ جاتقان كارىم ءماسىموۆتىڭ جاقىن تۋىسى.
پىكىر قالدىرۋ