ماڭعىستاۋ وبلىسىندا بەينەۋ اۋداندىق پوليسيا ءبولىمى باسشىسىنىڭ ورىنباسارى قاماۋعا الىندى، دەپ حابارلادى ىشكى ىستەر مينيسترلىگىنىڭ اقپارات رەسۋرسى polisia.kz.
"9 قاڭتاردا جەدەل-ىزدەستىرۋ ءىس-شارالارىن وتكىزۋ بارىسىندا ماڭعىستاۋ وبلىسى بويىنشا ۇقكد جانە ماڭعىستاۋ وبلىسى پوليسيا دەپارتامەنتىنىڭ وزىندىك قاۋىپسىزدىك باسقارماسىنىڭ قىزمەتكەرلەرى سىبايلاس جەمقورلىق قۇقىق بۇزۋشىلىعى ءۇشىن بەينەۋ اۋدانى پوليسيا ءبولىمى باستىعىنىڭ ورىنباسارى ت. ەسباعانبەتوۆتى ۇستادى" دەلىنگەن اقپاراتتىق حابارلامادا.
ەسباعانبەتوۆكە قانداي ايىپ تاعىلىپ وتىرعانى ايتىلمادى. تەرگەۋ جالعاسىپ جاتىر.
پىكىر قالدىرۋ