2022 جىلعى قاراشا ايىنىڭ قورىتىندىسى بويىنشا قوعامدىق تاماقتانۋ ۇيىمدارىنىڭ قىزمەتى ءبىر ايدا 2،7%، ءبىر جىلدا 23،4% قىمباتتاعان. 

ءبىر ايدا باعا ەڭ كوپ وسكەن ءوڭىر جەتىسۋ وبلىسى، مۇندا قوعامدىق تاماقتانۋ قىزمەتى 13،9%-عا وسكەن. ودان كەيىن شىمكەنت پەن الماتى وبلىسى: ءبىر ايدا تيىسىنشە 9،9% جانە 7،3%. جەتى وڭىردە باعا وزگەرگەن جوق.

جىلدىق ديناميكادا دا باعا ەڭ كوپ وسكەن ءوڭىر جەتىسۋ وبلىسى: بىردەن 44،7%. سونداي-اق شىمكەنتتە (40،3%) جانە ەلوردادا (38،5%) ايتارلىقتاي ءوستى. باعانىڭ ەڭ از ءوسۋى الماتى قالاسىندا بايقالدى: ءبىر جىلدا 5،2%.

قوعامدىق تاماقتانۋ نىساندارىنىڭ ىشىندە اسحانا قىزمەتى ءبىر جىلدا 26،6%، فاستفۋد ۇيىمدارى قىزمەتى – 17،1%، مەيرامحانالار، ءدامحانالار جانە ۇقساس مەكەمەلەردىڭ قىزمەتى 20،6% قىمباتتادى. ونىڭ ىشىندە مەيرامحاناداعى تۇسكى اس باعاسى 19%، اسحاناداعى تۇسكى اس 26،6% ءوستى.

سونىمەن بىرگە، 2022 جىلدىڭ ءۇشىنشى توقسانىنىڭ قورىتىندىسى بويىنشا مەيرامحانالار مەن قوعامدىق تاماقتانۋ نىساندارىن جالعا الۋ قۇنى ءبىر جىلدا 5% قىمباتتادى. ماڭعىستاۋ وبلىسىندا باعا بىردەن 27،2%، قاراعاندى وبلىسىندا – 20،3%، شىمكەنتتە – 8،4% ءوستى. تاعى بەس وبلىستا باعا ءبىر جىل بۇرىنعى دەڭگەيدە ساقتالدى، ال اتىراۋ وبلىسىندا باعا 0،6% پايىزعا تومەندەگەن.

مەيرامحانانى جالعا الۋ باعاسى ءبىر جىلدا 8،9%، اسحانانى جالعا الۋ – 0،9%، ءدامحانانى جالعا الۋ – 3،4% قىمباتتادى.

دەرەككوز: Ranking.kz