الەم ەلدەرى اسكەري قۋاتىنىڭ رەيتينگىن جاساۋمەن اينالىساتىن Global Firepower پورتالى قازاقستاندى 145 ەلدىڭ ىشىندە 63 ساتىعا جايعاستىردى. بىلتىر قازاقستان 64-ساتىدا تۇرعان.
اسكەري قۋاتى جونىنەن ۇزدىك 10 ەلدىڭ قاتارىندا اقش، رەسەي، جۇڭگو، ءۇندىستان، ۇلىبريتانيا، وڭتۇستىك كورەيا، پاكىستان، جاپونيا، فرانسيا، يتاليا بار.
جاقىن كورشى جانە پوست كەڭەستىك ەلدەر اراسىندا تۇركيا 11-ساتىدا، ۋكراينا 15، پولشا 20، ازەربايجان 57، بەلارۋس 60، وزبەكستان 62، تۇركمەنستان 82، گرۋزيا 85، ارمەنيا 94، قىرعىزستان 107، تاجىكستان 120-ساتىدا.
ۋكراينا ءبىر جىلدا رەيتينگتەگى جاعدايىن بىردەن 7 ساتىعا جاقسارتقان. اسكەري سالانى زەرتتەپ جۇرگەن ەكونوميست ەرلان يبراگيم بۇل – الەمنىڭ ەكىنشى اسكەرىنە تويتارىس بەرىپ جاتقان ۋكراين اسكەرىنىڭسوعىستاعى قابىلەتتىگىنىڭ ناتيجەسى ەكەنىن ايتادى.
ءبىر جىلدا رەيتينگتەگى جاعدايىن بىرنەشە پوزيسياعا ىلگەرىلەتكەندەردىڭ قاتارىندا ازەربايجان دا بار. رەسمي باكۋ اسكەرى ارمەنيامەن ۇرىستا ءوزىنىڭ ءتيىمدى رەفورما مەن بولىنگەن قارجىنى ءتيىمدى پايدالانا بىلگەنىن تانىتقان.
ساراپشى رەسەي اسكەرىنىڭ قۇرىلىمىن كوشىرەتىن قازاقستانعا اسكەردى دامىتۋ ءۇشىن زاماناۋي ادىس-تاسىدەردى قولدانۋ كەرەك دەيدى. وسى ورايدا جاۋىنگەرلەردى ورتاق اقپارات جەلىسىنە قوسۋ مەن جاڭا ۇرىس قۇرالدارى ەنگىزۋ اسا ماڭىزدى ءىس سانالادى.
پىكىر قالدىرۋ