14 قاڭتاردا وتەتىن سەنات دەپۋتاتتارى سايلاۋىنا رەسپۋبليكا بويىنشا 55 كانديدات تۇسەدى. بۇل تۋرالى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ حابارلادى. 

"سايلاۋ كوميسسيالارى بەرگەن مالىمەتكە سۇيەنسەك، سايلاۋ بيۋللەتەندەرىنە جالپى 55 كانديدات ەنگىزىلگەن. الماتىدان – 4 كانديدات، الماتى، جەتىسۋ، جامبىل، پاۆلودار، سولتۇستىك قازاقستان، تۇركىستان وبلىستارىنىڭ ءارقايسىسىنان ەكى كانديدات قاتىسادى. قالعان ايماقتار مەن شىمكەنت، استانا قالالارىنان ءۇش كانديداتتان قاتىسادى"، - دەدى نۇرلان ءابدىروۆ.

سەنات دەپۋتاتتارىن سايلاۋشىلار تىزىمىنە 3 168 دەپۋتات تىركەلگەن. نۇرلان ءابدىروۆتىڭ ايتۋىنشا، سايلاۋ ۋچاسكەلەرى ساعات 10:00-دە اشىلىپ، داۋىس بەرۋ ساعات 11:00-دە باستالادى.

ەسكە سالايىق، 14 قاڭتاردا سەنات سايلاۋى وتەتىن بولادى. جوعارى پالاتا دەپۋتاتتارىن جەرگىلىكتى ماسليحات دەپۋتاتتارى سايلايدى.