قارجىلىق باقىلاۋ كەزەڭ-كەزەڭىمەن جۇزەگە اسادى:
- 2023 جىلدان باستاپ مەملەكەتتىك قىزمەتشىلەر مەن وعان تەڭەستىرىلگەن ازاماتتار جانە ولاردىڭ جۇبايلارى، بيۋدجەتتىك سالا، ياعني مەملەكەتتىك مەكەمەلەر، كۆازيمەملەكەتتىك سەكتور قىزمەتكەرلەرى جانە ولاردىڭ جۇبايلارى؛
- 2024 جىلى جەكە كاسىپكەرلەر، زاڭدى تۇلعالاردىڭ باسشىلارى مەن قۇرىلتايشىلارى جانە ولاردىڭ جۇبايلارى؛
- 2025 جىلدان باستاپ جالپىعا ورتاق دەكلاراسيا تاپسىرۋ باستالعان تۇستا حالىقتىڭ قالعان ساناتتاعى ازاماتتارىنىڭ شوتتارى تەكسەرىلەدى.
مەملەكەتتىك كىرىستەر ورگاندارى ناقتى تۇلعالاردىڭ جسن نومەرىن بانكتەرگە بەرەدى. تەك سودان كەيىن عانا اتالعان ساناتتاعى ادامداردىڭ ەسەپ-شوتتارى باقىلانا باستايدى. ءۇش اي بويى ءار ايدا كەم دەگەندە 100 ادامنان تولەم الساڭىز، بانك اقشا اۋدارىمدارىڭىز تۋرالى اقپاراتتى سالىق ورگانىنا بەرەدى. اقشانى تانىمايتىن ادامدار ەمەس، تۋىستارىڭىز بەن دوستارىڭىز اۋدارسا الاڭداۋعا نەگىز جوق.
اقشانى اۋدارعانداردىڭ ەمەس، قابىلداعانداردىڭ مالىمەتتەرى تەكسەرىلەدى. ءبىر ادامنىڭ قانشا رەت اۋدارىم جاساعانى ەمەس، اۋدارىمدى قانشا ادام جاساعانى ەسكەرىلەدى. QR-كود ارقىلى تولەم قابىلداۋ بيزنەسپەن ايالىساتىنىڭىزدىڭ ايعاعى. ال ءۇش اي ىشىندە ءارتۇرلى 300 ادامنان شوتىڭىزعا اقشا تۇسسە، سالىقتان جالتارىپ، كولەڭكەلى بيزنەسپەن اينالىسىپ ءجۇرسىز دەگەن كۇدىككە ىلىنەسىز.
دەرەككوز: informburo.kz
پىكىر قالدىرۋ