بۇگىن پارلامەنت پالاتالارىنىڭ بىرلەسكەن وتىرىسىندا دەپۋتاتتار ەكس-پرەزيدەنت نۇرسۇلتان نازاربايەۆ پەن ونىڭ وتباسىنا ايرىقشا قۇزىرەتتەر مەن كەپىلدىكتەر بەرىپ كەلگەن ەلباسى تۋرالى زاڭنىڭ كۇشىن جويۋ تۋرالى زاڭ جوباسىن ماقۇلدادى. الايدا بۇل – نۇرسۇلتان نازاربايەۆتىڭ وتباسى مۇشەلەرىن عانا يممۋنيتەتتەن ايىرادى. ال ەكس-پرەزيدەنتتىڭ ءوزى پرەزيدەنت تۋرالى زاڭنىڭ بۇرىنعى پرەزيدەنتتەر جايلى VI تاراۋىنا ساي كوپتەگەن كەپىلدىكتەرگە يە.
ماسەلەن، ەكس-پرەزيدەنتكە، ونىڭ ابىروي مەن قادiر-قاسيەتiنە ەشكiم تيiسۋiنە بولمايدى. ەكس-پرەزيدەنتتىڭ ابىرويى مەن قادiر-قاسيەتiنە قول سۇعۋشىلىق زاڭ بويىنشا قۋدالانادى.
نازاربايەۆ مەملەكەت ەسەبىنەن پاتەر مەن مەملەكەتتiك ساياجاي، جەكە كۇزەت، جۇرگiزۋشi جانە دەربەس اۆتوموبيلمەن قامتاماسىز ەتىلەدى.
ەل iشiندە تەگiن ءجۇرiپ-تۇرىپ، مەديسينالىق، ساناتوريي-كۋرورتتىق جەرلەردە تەگىن ەمدەلەدى.
پرەزيدەنت جالاقىسىنىڭ 80 پايىزى مولشەرىندە زەينەتاقى الادى. ءارى ول پرەزيدەنت جالاقىسى وسكەن سايىن، ارتتىرىلىپ وتىرادى.
پرەزيدەنت بولىپ تۇرعان تۇستاعى جەكە مۇراعاتى مەن جەكە كىتاپحاناسىنىڭ ماتەريالدارى ءوز مەنشىگىندە بولادى.
نازاربايەۆ پرەزيدەنت كەزىندە قابىلداعان شەشەمدەرى مەن جاساعان ارەكەت ءۇشىن جاۋاپ بەرمەيدi. ەكس-پرەزيدەنتتى تەك مەملەكەتكە وپاسىزدىق جاسادى دەپ تانىلعان جاعدايدا عانا جاۋاپقا تارتۋعا بولادى.
پىكىر قالدىرۋ