قىرعىز-قازاق شەكاراسىن زاڭسىز كەسىپ ءوتتى دەپ ايىپتالعان قوس قازاقستاندىق بەلسەندى اسحات جەكسەبايەۆ پەن ديانا بايماعامبەتوۆا بىشكەكتە وتكەن سوتتا اقتالىپ شىقتى. بۇل تۋرالى بەلسەندى، تاۋەلسىز باقىلاۋشىلار ۇيىمىنىڭ جەتەكشىسى بەسجان تولەۋبەك ۇلى حابارلادى.
"بۇگىن 16.01.2023 جىلى اسحات اعا مەن ديانانىڭ ۇستىنەن قوزعالعان قىلمىستىق ءىس توقتالدى.
اسحات جەكسەبايەۆ پەن ديانا بايماگامبەتوۆا-نى سوت زالىنان بوستتى! اسحات پەن ديانانىڭ الداعى پروسەستەرىنە جانە قىرعىز ەلىندە ءجۇرىپ تۇرعاندارىنا قارجىلاي كومەك كورسەتەيىك.
جۇبايى شارا. ي كاسپي ءنومىرى : 8 777 841 04 01" دەلىنگەن بەلسەندى جازباسىندا.
اسحات جەكسەبايەۆ پەن ديانا بايماعامبەتوۆا 2021 جىلى قازاندا "قازاقستاننىڭ دەموكراتيالىق تاڭداۋى" جانە "كوشە پارتياسى" تىركەلمەگەن قوزعالىستارىن قۇرۋعا قاتىستى جانە ونىڭ ىسىنە ارالاستى" دەپ ايىپتالىپ، جەكسەبايەۆ بەس جىلعا سوتتالعان، بايماعامبەتوۆانىڭ بوستاندىعى ەكى جىلعا شەكتەلگەن. بىلتىر جەكسەبايەۆ شارتتى جازامەن بوساپ شىققان.
بۇعان دەيىن قوس بەلسەندى قازاق-قىرعىز شەكاراسىنان زاڭسىز ءوتىپ، قاماۋعا الىنعانى، ولار قىرعىز بيلىگىنە بوسقىن مارتەبەسىن بەرۋ تۋرالى ءوتىنىش جازعانى حابارلانعان.
پىكىر قالدىرۋ