سىرتقى ىستەر مينيسترلىگى ۇلىبريتانيالىق كوميسسيانىڭ "قاڭتار" وقيعاسى مەن بەلسەندى جانبولات مامايدىڭ تەرگەۋى بويىنشا قازاقستانعا كەلۋى تۋرالى تۋرالى ءبىلدىردى.
ايبەك سمادياروۆ ۇلىبريتانيا پارلامەنتىندە جانبولات مامايدىڭ ءىسىن تەرگەۋ ءۇشىن قۇرىلعان رەسمي كوميسسيا جوق ەكەنىن ايتتى.
"مۇنداي كوميسسيا ۇلىبريتانيا پارلامەنتىندە دە، ۇكىمەتىندە دە رەسمي تۇردە قۇرىلماعان. قازاقستاننىڭ ءانونيمدى ازاماتتارى توبىنىڭ تاپسىرىسى بويىنشا تەرگەۋ جۇرگىزەتىن Bindmans LLP اتتى زاڭ كومپانياسى بار. بۇل قانداي كومپانيا جانە ولار نە ىستەيدى، سىزدەر ينتەرنەتتەن كورىپ الاسىزدار. ال بريتاندىق تاراپتىڭ اقپاراتىنا سايكەس، بۇل كوميسسيا دەپ اتالاتىن توپ ەلدىڭ پارلامەنتى نەمەسە ۇكىمەتىنىڭ مۇددەسىن بىلدىرمەيدى. بۇل كوميسسيانىڭ ەشقانداي رەسمي ءرولى جوق"، دەدى مينيستر.
بۇگىن الماتىعا قاڭتار وقيعاسىن جانە بەلسەندى جانبولات مامايدى قىلمىستىق قۋدالاۋ ءىسىن تەرگەۋ بويىنشا ۇلىبريتانيا لوردتار پالاتاسىنىڭ مۇشەسى كەن ماكدونالد (Lord Macdonald KT KC of River Glaven) باستاعان كوميسسيا وكىلدەرى كەلگەن.
قۇقىققورعاۋشى، وپپوزيسيالىق ساياساتكەر جانبولات مامايدىڭ زايىبى ينگا يمانباي ۇلىبريتانيا پارلامەنتى دەپۋتاتتارى قۇرعان كوميسسيانىڭ ەلگە كەلۋى حالىقارالىق قاۋىمداستىق قازاقستانداعى جاپپاي ادام قۇقىعىن بۇزۋ جاعدايلارىنا كوز جۇمىپ قارامايتىنىن بىلدىرەدى دەپ سانايدى.
پىكىر قالدىرۋ