بەلگىلى كومپوزيتور، قازاقستاننىڭ ەڭبەك سىڭىرگەن قايراتكەرى، تەلەجۇرگىزۋشى ارمان دۇيسەنوۆ ومىردەن ءوتتى.

ZTB جەلىلىك باسىلىمىنىڭ دەرەگىنشە، سازگەر جۇرەك تالماسىنان قايتىس بولعان.

ارمان نارىمباي ۇلى دۇيسەنوۆ 1974 جىلى ورال قالاسىندا دۇنيەگە كەلگەن. قۇرمانعازى اتىنداعى مەملەكەتتىك كونسەرۆاتوريانى وركەستر ءارتىسى ماماندىعى بويىنشا ءتامامداعان. بۇدان بولەك الەمدىك كلاسسيكالىق مۋزىكا، فولكلورلىق ەتنوگرافيا باعىتتارى بويىنشا كاسىبىي ءبىلىم العان.

ەڭبەك جولى 1990 جىلى پاۆلودار قالاسىندا وتكەن ءححىى رەسپۋبليكالىق جاس ورىنداۋشىلار بايقاۋىندا جەڭىسكە جەتكەننەن كەيىن باستالعان. ءتۇرلى جانردا ءان شىعارىپ، ءبىراز اندەرىن ءوزى دە ورىنداعان.

تانىمال تەلەباعدارلامالاردا پروديۋسەر، تەلەجۇرگىزۋشى بولىپ، مەدياكەڭىستىكتە ءوز ورنىن العان.

سوڭعى جىلدارى ءبىراز ۋاقىت "قازاقكونسەرت" بىرلەستىگى باسشىسىنىڭ ورىنباسارى بولىپ قىزمەت ەتتى.

سۇحباتتارىنىڭ بىرىندە كارانتين كەزىندە اقىن اباي قۇنانباي ۇلىنىڭ ءارۋاعىنا ارناپ اقىن يران عايىپتىڭ ولەڭىنە ەكى ءان جازعانىن ايتقان.

التىناي جورابايەۆانىڭ ورىنداۋىنداعى "اعاجان" ءانى، ۇلىقپان جولداسوۆتىڭ ورىنداۋىنداعى "شاتتىعىم سەنسىڭ" جانە دينارا قىرىقبايەۆامەن بىرگە سالعان "ۇستازىم مەنىڭ" ءانى ونى كومپوزيتور رەتىندە كوپكە تانىتقان.

كومپوزيتور قازاقتىڭ ءتول ونەرى مەن بۇگىنگى نەمەسە كەشەگى كلاسسيكالىق ونەردىڭ وزىق ۇلگىلەرىن كاسىبي تۇردە ۇشتاستىرىپ، قازاقتىڭ مۋزىكا ونەرىن دامىتۋدى جالعاستىرۋدى كاسىبي ءومىرىنىڭ وزەكتى تاقىرىبى دەپ بىلگەن.