قازاقستاندىق پاراشاڭعىشى ەربول حاميتوۆ شۆەسيادا ءوتىپ جاتقان الەم چەمپيوناتىندا التىن مەدال جەڭىپ الدى دەپ حابارلادى "دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى".
رەسمي مالىمەتكە سايكەس، حاميتوۆ الەم چەمپيوناتىنداعى سپرينت جارىسىندا توپ جارعان. ونىڭ كورسەتكىشى - 2:44،23. ۋكراينالىق سپورتشى تاراس راد مارەگە ەكىنشى بولىپ كەلسە، ءۇشىنشى ورىنعا برازيليالىق سپورتشى كريستيان ۆەستماەر ريبەيرا يە بولدى.
بۇعان دەيىن ەربول الەم چەمپيوناتىنىڭ العاشقى كۇنى پارا بياتلوننان قولا جۇلدەنى جەڭىپ العان بولاتىن.
پاراشاڭعى جانە پارابياتلوننان الەم چەمپيوناتى شۆەسيانىڭ ەستەرسۋند قالاسىندا ءوتىپ جاتىر. جارىستار 29 قاڭتارعا دەيىن جالعاسادى. وعان 18 مەملەكەتتەن 102 سپورتشى كەلگەن.
