تاراز قالاسىندا جاڭا تۋعان ءسابيدى ساتقان ەكى مەديسينا قىزمەتكەرى ۇستالدى، دەپ حابارلادى وبلىستىق پروكۋراتۋرا.
"2023 جىلدىڭ 12 قاڭتارىندا اتالعان دەرەك بويىنشا قىلمىستىق كودەكستىڭ 135-بابىنىڭ 1-بولىگىمەن سوتقا دەيىنگى تەرگەپ تەكسەرۋ باستالدى. تاراز قالالىق كوپبەيىندى اۋرۋحانانىڭ 2 مەديسينالىق قىزمەتكەرى ۇستالدى" دەلىنگەن رەسمي حابارلامادا.
Polisia.kz سايتىنىڭ مالىمەتىنشە، تەرگەۋ شارالارى بارىسىندا جاڭا تۋعان قىزدى اكۋشەر ماماندار 39 جاستاعى تاراز تۇرعىنىنا 1،5 ملن تەڭگەگە ساتىپ جىبەرگەن.
ۇستالعان كۇدىكتىلەر ۋاقىتشا ۇستاۋ يزولياتورىنا قامالدى.
كامەلەتكە تولماعان بالانى ساتقانى ءۇشىن بەس جىلدان توعىز جىلعا دەيىنگى مەرزىمگە باس بوستاندىعىنان ايىرۋ، مۇلكىن تاركىلەۋ جازاسى قاراستىرىلعان.
پىكىر قالدىرۋ