قوعام بەلسەندىلەرى مۇحتار تايجان مەن سانجار بوقايەۆ ءبىر مانداتتىق وگرۋگ بويىنشا ءماجىلىس سايلاۋىنا قاتىسۋ ءۇشىن قۇجاتتارىن وتكىزگەنىن حابارلادى.

قوس ۇمىتكەر دە سايلاۋعا الماتىدان تۇسپەك.

"ءيا، كوپ ازاماتتار مەنى ءوز وڭىرلەرىنىڭ ۇمىتكەرى رەتىندە كورگىسى كەلدى، وسىندا كوپ جازىپ شاقىرعان. بارشاڭىزعا سەنىمدەرىڭىز ءۇشىن العىسىمدى بىلدىرەم. دەگەنمەن ءوز باسىم الماتىدا تۋىپ ءوستىم عوي، اكەم دە وسىندا مەكتەبىن بىتىرگەن بولاتىن. سول ءۇشىن مەن الماتى قالاسىنىڭ وزىنەن سايلاۋعا ءتۇسۋدى ءجون كوردىم"، - دەيدى مۇحتار تايجان. 

ال ساياساتتانۋشى سانجار بوقايەۆ بيىلعى سايلاۋدىڭ قىزىقتى وتەتىنىنە سەنىمدى ەكەنىن ايتتى.

"قۇجاتتاردى وتكىزدىم. الماتىلىقتار مەنى قولدايتىنىنا ءۇمىتتىمىن. قىزىقتى، مازنۇندى ءارى كرەاتيۆتى سايلاۋ ناۋقانى وتەتىنىنە ۋادە بەرەمىن. ەلىمىزدىڭ كەلەشەگىنە سەنەمىن. بىزگە ۇكىمەتتى باقىلاي الاتىن مىقتى پارلامەنت كەرەك" - دەپ جازدى سانجار بوقايەۆ.

ءماجىلىس پەن ءماسليحاتتىڭ كەزەكتى سايلاۋى الداعى 19 ناۋرىزعا بەلگىلەنىپ وتىر. بيىلعى سايلاۋدىڭ ەرەكشەلىگى ءماجىلىستىڭ 70 پايىزى پارتيالىق ءتىزىم، 30 پايىزى ماجوريتارلىق ءتارتىپ بويىنشا جاساقتالماق. ءبىر مانداتتىق وگرۋگتەن تۇسەتىن ۇمىتكەرلەرىدى ساياسي پارتيالار، قوعامدىق بىرلەستىكتەر ۇسىنادى، ءتىپتى ءوزىن ءوزى ۇسىنۋعا دا مۇمكىندىك بار.