پاكىستاننىڭ پەشيەۆار قالاسىنداعى مەشىتتەگى جارىلىستان 28 ادام قازا تاپتى. ال زارداپ شەككەندەردىڭ سانى 150-دەن اسقان. قايعىلى وقيعا كوپشىلىك بەسىن نامازىن وقىپ جاتقان كەزدە بولعان. سول ساتتە مەشىتتە شامامەن 260 ادام قۇلشىلىق جاساپ جاتقان.
"اۋرۋحانا وكىلى جارىلىس سالدارىنان 28 ادام قازا تاپقانىن، 150-دەن استام جارالانعان تۇرعىن اۋرۋحاناعا جەتكىزىلگەنىن ايتتى. دارىگەرلەردىڭ سوزىنشە، زارداپ شەككەن 10-نان استام ادامنىڭ جاعدايى اۋىر"، دەپ حابارلادى Geo News ارناسى.
مەشىت جەرگىلىكتى پوليسيا شتاب-پاتەرى مەن تەرروريزمگە قارسى كۇرەس بولىمشەسىنە جاقىن ورنالاسقان. قازا تاپقانداردىڭ كوبى پوليسيا قىزمەتكەرلەرى.
جانكەشتى مەشىتتە ناماز وقىلىپ جاتقان كەزدە الدىڭعى قاتاردا تۇرىپ، ءوزىن جارىپ جىبەرگەن. جەرگىلىكتى پوليسيا عيماراتتىڭ جارتىسى قيراپ قالعانىن مالىمدەدى. قيراندى استىندا قالعان ادامداردى قۇتقارۋ جۇمىستارى ءالى ءجۇرىپ جاتىر.
ازىرگە تەراكتىنى ەشقانداي ۇيىم موينىنا المادى.
پىكىر قالدىرۋ