جۋرناليست، قازتاگ حالىقارالىق اقپاراتتىق اگەنتتىگىنىڭ (حاا) نەگىزىن قالاۋشى اسەت ماتايەۆ 19 ناۋرىزدا وتەتىن ءماجىلىس سايلاۋىنا ءوز كانديداتۋراسىن ۇسىندى. بۇل تۋرالى ول facebook پاراقشاسىندا جاريالادى.
– قايعىلى قاڭتار وقيعاسىنىڭ كەيىن جارتى جىل وتكەن سوڭ مەنىڭ ءومىرىم كۇتپەگەن جەردەن باسقا ارناعا بۇرىلدى. بۇعان دەيىن بىرنەشە دۇركىن تاباندى تۇردە تالاپ ەتسەك تە، تاۋىمىزدى شاعىپ، شاراسىز كۇيگە تۇسىرگەن جوعارعى سوت اكەم سەيىتقازى ماتايەۆ ەكەۋىمىزدى اقتاپ شىعاردى. تاۋەلسىز قازاقستان تاريحىندا تۇڭعىش رەت جوعارعى سوت مەملەكەت اتىنان ءبىزدى زاڭسىز سوتتاعانى ءۇشىن كەشىرىم سۇرادى. ساياسي استارى بار وسى قىلمىستىق ءىس باس پروكۋراتۋرا قىزمەتكەرلەرىنىڭ مۇقيات قاراۋىنان كەيىن جويىلىپ، ءقازىر ول جوعارعى سوت بيۋللەتەنىندە نەگىزسىز سوتتى بولىپ، ۇكىم شىعارۋدىڭ مىسالى رەتىندە جاريالانىپ ءجۇر. مەن وسى ساتتەن باستاپ ادىلەتتى قازاقستاننىڭ رۋحىن شىنايى سەزىندىم. مەن ءۇشىن ادىلەتتى قازاقستان – ادام قۇقىعى مەن زاڭ ۇستەمدىگى بارىنەن بيىك تۇراتىن ادىلەتتى مەملەكەت، ادىلەتتى قوعام. ياعني، بارلىق ادامنىڭ قۇقىعى زاڭمەن قورعالىپ، قىلمىس اياۋسىز جازالانۋى ءتيىس، – دەيدى ماتايەۆ.
ول اتاپ وتكەندەي، سوڭعى ايلاردا ونىڭ اتىنا مەملەكەتتىك ورگانداردىڭ زاڭسىز ىس-ارەكەتتەرىنە قاتىستى حالىقتان كوپ شاعىم تۇسەتىن بولعان. ول ءوتىنىش-شاعىمداردىڭ بارلىعى دا جان-جاقتى تەكسەرۋدى قاجەت ەتەدى.
جۋرناليست كەز كەلگەن ماسەلەنىڭ سوڭعى شەشىمىن پرەزيدەنتتىڭ موينىنا ءىلىپ قويۋ دۇرىس ەمەس دەپ سانايدى.
پىكىر قالدىرۋ