"قازاقستان رەسپۋبليكاسىنىڭ پارلامەنتى ءماجىلىسىنىڭ دەپۋتاتىن سايلاۋ بويىنشا №3 ءبىرمانداتتىق اۋماقتىق سايلاۋ وكرۋگىنىڭ وكرۋگتىك سايلاۋ كوميسسياسىنا بۇگىن ماجوريتارلىق جۇيەمەن ءوزىمدى-وزىم قازاقستان رەسپۋبليكاسى پارلامەنت دەپۋتاتىنا كانديداتتىققا ۇسىندىم. مويىندايمىن. وڭاي كەلگەن شەشىم ەمەس"، دەپ جازدى رينات زايىتوۆ.

 

اقىن تۋعان جەرى اباي وبلىسى مەن قىزمەت ەتىپ جاتقان الماتى قالاسى اراسىندا تاڭداۋ جاساعانىن ايتادى.

 

"الدىمدا ەكى تاڭداۋ بولدى: الماتى قالاسى جانە اباي وبلىسى. ارينە ءبىر قاراعان ادامعا تۋعان جەرىم ءۇش جۇرتىمنىڭ ەڭ كوپ وكىلدەرى تۇراتىن ايماق. اباي وبلىسى ءتيىمدى بولاتىن ەدى. ءبىراق، "اۋىل ءيتىنىڭ اۋزى ساسىق" ەكەنىن، ءبىر وبلىستى تولىق ارالاۋعا، ءار اۋىلدان سەنىمدى وكىل، ءار ۋچاستوكتەن باقىلاۋشى ت.ب. ەسكەرسەك ونىڭ بارلىق شىعىنىن وتەيتىن مەندە مۇمكىندىك تە، دەمەۋشى دە جوق. وعان قوسا ايماقتاردا جەرگىلىكتى بيلىكتىڭ ىقپالى وتە ۇلكەن. سوندىقتان الماتى. الماتى – ازاتتىقتىڭ استاناسى. الماتى – رۋحتى قاۋىمنىڭ مەكەنى. ول از دەسەڭىز، وسىدان ءتورت جىل بۇرىن بيلىكتىڭ كىسەنىنەن جۇلىپ العان دا وسى الماتىداعى اعايىن. دەمەۋشىم جوق دەمەيمىن. تىلەكتەستەرىم بار. قازاق بار! جاراتۋشىدان كەيىن سەنەرىم سولار. تاۋەكەل. وڭاي شەگىنبەيتىنىمدى ەسكەرتۋدىڭ قاجەتى جوق شىعار. سوندا دا...".