"قازمۇنايگاز" ۇلتتىق كومپانياسى اكسيونەرلىك قوعامىندا كادرلىق ءاۋىس-تۇيىس بولىپ، ءتوراعانىڭ ءۇش جاڭا ورىنباسارى تاعايىندالدى. بۇل تۋرالى كومپانيا باسپا ءسوز قىزمەتىنىڭ جەتەكشىسى داۋرەن وماروۆ حابارلادى.
جاڭا تاعايىندالعان داۋلەتجان حاسانوۆ باسقارما ءتوراعاسىنىڭ ورىنباسارى رەتىندە وپەراسيالىق اكتيۆتەردەگى مۇناي مەن گازدى بارلاۋ جانە ءوندىرۋ باعىتىنا، ولاردىڭ تيىمدىلىگىن ارتتىرۋعا جانە ودان ءارى دامىتۋعا، سونداي-اق قمگ-نىڭ رەسۋرستار بازاسىن كەڭەيتۋگە جانە كەن ورىندارىن ءتيىمدى يگەرۋگە جەتەكشىلىك ەتەتىن بولادى.
بۇعان دەيىن بۇل قىزمەتتى اتقارىپ كەلگەن قۇرمانعازى ەسقازييەۆ «قالامقاس تەڭىز - حازار» تەڭىز جوباسىنىڭ باسشىسى لاۋازىمىنا اۋىستى. سونىمەن قاتار ول اقتاۋداعى «قازمۇنايگاز» ۇك اق وكىلدىگىنىڭ ديرەكتورى بولىپ قالا بەرەدى.
كەلەسى ورىنباسار قۋانىش قۇدايبەرگەنوۆ ءىرى مۇناي-گاز اكتيۆتەرىنە جەتەكشىلىك ەتەتىن بولادى. بۇل قىزمەتتى اتقارىپ كەلگەن مۇرات مۇنبايەۆ 2022 جىلعى جەلتوقسان ايىندا ءوز ەركىمەن قىزمەتىنەن كەتكەن.
باسقارما ءتوراعاسىنىڭ ءۇشىنشى ورىنباسارى سەرىكقالي برەكەشيەۆ گاز جوبالارىن دامىتۋ باعىتىنا جەتەكشىلىك ەتەدى. ول بۇعان دەيىن ەكولوگيا، گەولوگيا جانە تابيعي رەسۋرستار ءمينيسترى لاۋازىمىن اتقارعان.
پىكىر قالدىرۋ