وسى ۋاقىتقا دەيىن 13 000 بىرلىك قۇم سالىنعان قاپ توسەلگەن. جۇمىسقا قورعانىس مينيسترلىگىنىڭ كۇشتەرى مەن قۇرالدارىنان 430-دان استام ادام، 70-كە جۋىق بىرلىك تەحنيكا، 43 موتوپومپا جۇمىلدىرىلعان.
"تجد كۇشىمەن كەنتاۋ قالاسىنداعى قارناق اۋىلىنىڭ، ساۋران، بايدىبەك اۋداندارىنىڭ سۋ باسقان اۋلا اۋماعىنان 204 ادام، ونىڭ ىشىندە 111 بالا ەۆاكۋاسيالاندى، 201 ۇساق مال ءقاۋىپسىز جەرگە ايدالدى. حالىقتى ەۆاكۋاسيالاۋ جانە ۋاقىتشا ورنالاستىرۋ ءۇشىن جەرگىلىكتى اتقارۋشى ورگاندار ساۋران اۋدانىندا 4 ەۆاكۋاسيالاۋ پۋنكتىن دايىندادى. وبلىستىق جانە رەسپۋبليكالىق جەدەل شتابتار قىزمەت كورسەتۋدە. وبلىستىق جانە رەسپۋبليكالىق جەدەل شتابتار بازاسىندا «جەدەل جەلى» تەلەفونى اشىلدى" دەلىنگەن حابارلامادا.
"قازگيدرومەت" 3 اقپاندا وبلىستىڭ باسىم بولىگىندە جاۋىن-شاشىن جاۋىپ، كۇننىڭ جىلىنۋىنان وزەندەردەگى سۋ دەڭگەيىنىڭ كوتەرىلۋى مۇمكىن ەكەنىن حابارلادى.
پىكىر قالدىرۋ