ۇلتتىق ستاتيستيكا بيۋروسى قاڭتارداعى ينفلياسيا دەڭگەيى تۋرالى اقپارات جاريالادى. بيۋرو مالىمەتىنشە، وتكەن ايدا ازىق-تۇلىك تاۋارلارى – 1،4%، ازىق-تۇلىككە جاتپايتىن تاۋارلار – 0،9%، اقىلى قىزمەتتەر 0،7% وسكەن.

ازىق-تۇلىك تاۋارلارى اراسىندا كوكونىس باعاسى ايتارلىقتاي قىمباتتاعان، قيار – 22،4%، پياز – 16،7%، قىزاناق – 8،8%، ءتاتتى بۇرىش باعاسى 6،5% وسكەن. سونداي-اق كۇرىش 2،9%، ۇنتاق جارماسى، بالىق، قارا بيداي نانى، جۇمىرتقا، س ۇلى جارماسى، ايران، تاۋىقتىڭ ءتوس ەتى، ءسۇت، تۇزدى iرiمشiك، جەمىستەر، اۋىز سۋ 2 پايىزعا جۋىق قىمباتاعان. قانت  كەرىسىنشە سول مانگە جۋىق ارزانداعان.

ازىق-تۇلىككە جاتپايتىن تاۋارلاردىڭ ىشىندە قاڭتاردا باعانىڭ ەڭ كوپ ءوسۋى جۋۋ جانە تازالاۋ قۇرالدارىنا بايقالدى. ماسەلەن، وتكەن ايمەن سالىستىرعاندا كىر جۋعىش ۇنتاق – 3،9%، اعارتقىشتار – 3،5%، ىدىس جۋۋعا ارنالعان قۇرالدار – 3%، كىر سابىن 2،7% ءوستى. تۇرمىستىق تەحنيكا باعاسى، كەرىسىنشە، ءتۇستى، ماسەلەن، شاڭسورعىش –  1،6%، قىسقا تولقىندى پەش – 1،3%، اس ءۇي پليتاسى 1،1% ارزاندادى.

وتكەن ايدا اقىلى قىزمەتتەردىڭ باعاسى 0،7% ءوستى. باعالاردىڭ ءوسۋى نوتاريۋس قىزمەتتەرىنە – 12،6%، كۇندىزگى ستاسيوناردا ەمدەلۋ – 5،2%، جەرلەۋ بويىنشا ريتۋالدى قىزمەتكە – 4،7%، ستوماتولوگيالىق قىزمەتتەرگە 2،5% بايقالدى. كوممۋنالدىق قىزمەتتەر بويىنشا قوقىس شىعارۋ تاريفتەرى – 2،8%، تۇرعىن ءۇيدى كۇتىپ ۇستاۋعا جۇمسالعان تولەم – 1%، ورتالىقتان جىلىتۋ 0،8% ءوستى، ال ءتاريفتىڭ تومەندەۋى – سۋ بۇرۋ قىزمەتىنە بايقالدى – 0،2%.

وڭىرلەر اراسىندا ەڭ جوعارى ايلىق ينفلياسيا اقتوبە وبلىسىندا – 1،7% (ورتاشا رەسپۋبليكالىق دەڭگەيدەن 0،6 پ.ت. جوعارى)، ەڭ تومەنگى – 0،7% الماتى وبلىسىندا تىركەلدى.