استانا قالاسى سارىارقا اۋدانىنىڭ №2 سوتىندا جۋرناليست ماحامبەت ءابجاننىڭ ۇستىنەن قوزعالعان قىلمىستىق ءىس بويىنشا ۇكىم شىعارىلدى.

جۋرناليست توعىز جىلعا باس بوستاندىعىنان ايىرىلدى. سوت وتىرىسى جابىق فورماتتا ءوتتى. 

سوت جۋرناليست ماحامبەت ءابجاندى قك-نىڭ 274-بابىنىڭ 3-بولىگى – «ازاماتقا، ۇيىمعا نەمەسە مەملەكەتكە ءىرى زالال نەمەسە وزگە دە اۋىر زارداپتارعا اكەپ سوققان كورىنەۋ جالعان مالىمەتتەردى تاراتۋ» جانە قىلمىستىق كودەكستىڭ 194-بابىنىڭ 4-بولىگىنىڭ 2-تارماعى – «اسا ءىرى مولشەردە بوپسالاۋ» باپتارى بويىنشا ايىپتى دەپ تاپتى.

ماحامبەت ءابجاندى وتكەن جىلدىڭ 3 شىلدەسىندە سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى ۇستاعان. ول كاسىپكەردەن 50 ميلليون تەڭگە بوپسالادى دەپ ايىپتالعان.